Jańalyqtar  >
  Qoǵam
Jarty jylda ishimdik iship, zań buzǵan 4 myń azamat ustaldy
2022 jylǵy 10 tamyz 12:31

Jarty jylda ishimdik iship, zań buzǵan 4 myń azamat ustaldy

NUR-SULTAN. QazAqparat – Qazaqstandyqtar kóbine mas nemese masań kúıde ózgeniń jekemenshik múlkin búldirý, urlaý qylmystaryn jasaıdy, dep habarlaıdy QazAqparat tilshisi finprom.kz resýrsyna silteme jasap.

Bıylǵy jartyjyldyqtyń qorytyndysy boıynsha, elimizde ishimdik ishken kúıde zań buzýshylyq jasaǵan 4 myń azamat ustaldy. Bul ótken jyldyń sáıkes kezeńimen salystyrǵanda 9,6% paıyzǵa az.

Alkogoldi ishimdik ishken adamdardyń 41,1 paıyzy ózgeniń múlkin buzý, oǵan shyǵyn keltirý qylmystaryn jasaǵan. Al, urlyq faktisi boıynsha 1,1 myń adam ustalypty. Negizinen jıi kezdesetin qylmystar – kólikterdi tonaý nemese olardy urlaý.

Bıyl ishimdik ishken kúıde qylmystyq quqyq buzýshylyq kóp tirkelgen óńir – Shyǵys Qazaqstan oblysy. Onda 6 aıda ishinde 548 turǵyn alkogoldi ishimdik iship, túrli qylmys jasaǵan.

Osyndaı óńirlerdiń úshtigine Qostanaı (398 adam) jáne Aqmola (376 adam) oblystary kiredi.

Al, el boıynsha ishimdik ishken kúıde jasalatyn túrli quqyq buzýshylyq faktileri Atyraý oblysynda az anyqtalǵan. Onda jyl basynan beri spırttik ishimdik ishken 52 adam ustalǵan. Bul ótken jylmen salystyrǵanda 36,6 paıyzǵa az.

Eske sala keteıik, Shyǵys Qazaqstan men Almaty oblystarynda esirtki satyp kelgen qylmystyq topqa qatysty sot úkimi shyqqanyn jazyp edik.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT