Jármeńke: SQO elordaǵa 100-den astam taýar túrin jetkizdi
NUR-SULTAN. QazAqparat – Elordada Soltústik Qazaqstan oblysynyń aýyl sharýashylyǵy ónimderi jármeńkesi ótip jatyr, dep habarlaıdy QazAqparat tilshisi.
«Elordadaǵy jármeńkege SQO-dan 700 tonnadan astam ónim jetkizildi. Ekologııalyq taza ónim bolǵandyqtan astanalyqtar kezekke turyp alyp jatyr. Jáne bizdiń jármeńkede naryqtan tómen baǵamen satylýda, ıaǵnı naryqtan 20-25 paıyzǵa deıin tómen. Jalpy bıylǵy aýa-raıynyń qolaısyzdyǵyna qaramastan óńirimizde dándi daqyldardy jınaý barysy sátti júzege asyryldy. Astanalyqtardyń arasynda bizdiń sút jáne sút ónimderi joǵary suranysqa ıe, apta saıyn 10 tonnadan astam atalǵan ónimdi Nur-Sultan qalasyna jiberemiz. Odan bólek elordalyqtardyń arasynda bizdiń et, sút, jumyrtqa jáne kókónisterge suranys joǵary», - dedi Soltústik Qazaqstan oblysynyń ákimi Qumar Aqsaqalov jármeńkede.
Ákimniń aıtýynsha, jármeńkege 100-den astam soltústik qazaqstandyq taýar óndirýshi kásiporyndar qatysyp jatyr.
Soltústik Qazaqstan oblysynyń jármeńkesinde et jáne et ónimderin, kondıterlik ónimder, jarma túrleri, qymyz, bal jáne kókónister men jemis-jıdekter taǵy da basqa ónimder satylymǵa qoıylǵan.
Jármeńkede KT «Zenchenko ı K», IP «Palchık», «Maslo-Del» JShS, «Maksımalnyı razmah» JShS, «Fırma Alekrı» JShS, Mamlıýtskıı mýkomolnyı kombınat, «Sýltan-MMK» JShS óz ónimderin astana halqyna usynýda.
Eki kúnge sozylatyn aýyl sharýashylyq ónimderi jármeńkesi elordadaǵy «Han Shatyr» oıyn-saýyq alańynda ótip jatyr.
- 21 qańtar kúni astanada ótetin mańyzdy sharalar ańdatpasy
- Ótken jyly kúndizgi statsıonarda 1 mln-nan astam adam emdeldi – Bolat Tókejanov
- Karantın: Elordada bir táýlikte 108 kásipkerlik nysan tekserildi
- Medıtsınalyq saqtandyrý júıesi kimderdi qamtydy – Basqarma tóraǵasynyń jaýaby
-
Soltústik Qazaqstanda boranǵa baılanysty oblystyq joldar jabyldy
-
Elorda polıtseıleri kópirden sekirip ólmek bolǵan jigitti qutqaryp qaldy
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam