+7 (701) 759 90 19
USD 381.10 EUR 420.81
RUB 5.65 CNY 54.57
Jańalyqtar

Jarkenttegi «Jaýyngerlik dańq» mýzeıinde jastar batyr urpaqtarymen júzdesti

2019 jylǵy 6 qarasha 12:42
Bólisińiz:
Jarkenttegi «Jaýyngerlik dańq» mýzeıinde jastar batyr urpaqtarymen júzdesti

JARKENT. QazAqparat – Almaty oblysy Jarkent qalasyndaǵy «Jaýyngerlik dańq» mýzeıinde jastardyń Sovet odaǵynyń batyry Qojahmet Tyshqanbaevtyń urpaqtarymen kezdesý ótkizildi, dep habarlaıdy QazAqparat tilshisi.

Qojahmet Tyshqanbaev 1916 jyly Taldyqorǵan oblysy Kerbulaq aýdany «Jolaman» keńsharyndaǵy Malaısary aýylynda dúnıege kelgen. 1938-39 jyldary týystarymen birge qazirgi Panfılov aýdanynyń «Úsharal» ujymsharyna kóship kelgen. Munda kolhozshy, hat tasýshy, traktorshy bolyp eńbek etken. 1942 jyly Oktıabr aýdandyq áskerı komıssarıatynan ásker qataryna shaqyrylyp, nemis-fashıst basqynshylaryna qarsy maıdanǵa attanǵan. Qyrymda, Eltımes degen jerde shaıqasyp, bir ózi jaýdyń bes tankisin joıyp jibergen. Alaıda, aýyr aıqasta qatty jaralanyp, erlikpen qaza tapqan. Osy janqııarlyq erligi úshin 1944 jyly 14 mamyrda Sovet odaǵynyń batyry ataǵy berilgen.

Negizi, soǵysqa Úsharal aýylyndaǵy Tyqanbaevtar áýletinen aǵaıyndy Ábilqasym, Meterbaı, Qaspaqbaı, Qojahmet tórteýi attanǵan eken. Ókinishke oraı, Qaspaqbaı habar-osharsyz ketken. Al, Meterbaı men Qojahmetten «qara qaǵaz» kelgen. Tek eń úlkeni Ábilqasym ata aman oralyp, úıli-barandy bolǵan. Beıbit eńbekte de belsendi bolyp, 1981 jyly dúnıeden ozǵan.

Jarkent qalasyndaǵy «Jaýyngerlik dańq» mýzeıindegi kezdesýge osy Ábilqasym atanyń ul-qyzdary, nemereleri men birneshe shóberesi keldi. Olar osynda jınalǵan mektep oqýshylaryna batyr atalarynyń erligi týraly qyzyqty estelikter aıtyp, onyń esimin ulyqtaý jónindegi oı-pikirlerin ortaǵa saldy.

Kezdesýde sondaı-aq, Jeńistiń 75 jyldyǵyna arnalǵan jáne qaharman Qojahmet týraly derekti fılm kórsetildi. Aqyn-etnograf, ardager ustaz Ádephan Tórehanuly, «Nur Otan» partııasy Panfılov aýdandyq fılıaly tóraǵasynyń birinshi orynbasary Qanat Dosmaıylov, taǵy basqa da zııaly qaýym ókilderi sóz sóılep, «Jaýyngerlik dańq» mýzeıindegi dıdarlasýdyń taǵylymy týraly tereńinen tolǵandy. Kezdesýdi «Jaýyngerlik dańq» mýzeıiniń dırektory Qalı Ibraıymjanov qorytyndylady.

Bizdiń kanalymyzǵa jazylyńyz:

Bólisińiz:

Avtor:

Nurádil Begimbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT