+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Japonııaǵa Qazaqstannyń 13 óńirinen jylqy eti eksporttalmaq

2020 jylǵy 21 qyrkúıek 11:40
Bólisińiz:
Japonııaǵa Qazaqstannyń 13 óńirinen jylqy eti eksporttalmaq

NUR-SULTAN. QazAqparat – QR Aýyl sharýashylyǵy mınıstrligi Qazaqstannan qaı elderge et eksporty boıynsha kelisimder bar ekeni týraly aıtty, dep habarlaıdy QazAqparat tilshisi.

Et ónimderi jáne et shıkizatyn eksporttaý kelesi úshinshi elderge júzege asyrylady:

Birikke Arab Ámirlikterine iri qara jáne usaq maldan alynǵan et jáne et ónimderiniń jáne úı qustarynyń eksporty ashyldy. Osy oraıda BAÁ-ge qyzyl et pen qus etin eksporttaýǵa quqyǵy bar tizilimge«Abaı» JShS (Pavlodar oblysy),

«Pervomaıskıe delıkatesy» JShS jáne «Merke et kombınaty» JShS (Jambyl oblysy) engizilgen.

Iranǵa muzdatylǵan jáne salqyndatylǵan qoı eti sondaı-aq vakýýmdyq qaptamada qaptalǵan muzdatylǵan sıyr eti jáne salqyndatylǵan sıyr eti tasymaldanady.

Budan bólek, 2019 jylǵy 14 mamyrda Qytaı Halyq Respýblıkasynyń Bas keden basqarmasy óziniń ınternet-resýrsynda sıyr etin QHR-ǵa eksporttaýǵa quqyǵy bar 4 qazaqstandyq kásiporyndy qosý týraly aqparatty ornalastyrdy. Qazirgi ýaqytta QR AShM qazaqstandyq et óńdeý kásiporyndarynyń tizimin keńeıtý boıynsha belsendi jumys júrgizýde.

Sonymen qatar, muzdatylǵan qoı etin QHR-ǵa eksporttaý quqyǵy bar kásiporyndardyń tizilimine 4 kásiporyn engizilgen.

«Qazaqstan Aýyl sharýashylyǵy mınıstrligi júrgizgen eki jyldyq jumys qorytyndysy boıynsha, Japonııanyń aýyl, orman jáne balyq sharýashylyǵy mınıstrligimen birlesip, Qazaqstan Respýblıkasynan Japonııaǵa jylqy soıý jáne óńdeý kezinde alynǵan etti, et shıkizatyn jáne sýbónimderdi eksporttaýǵa veterınarııalyq sertıfıkat kelisildi ári qol qoıyldy. Japonııanyń aýyl, orman jáne balyq sharýashylyǵy mınıstrligi mınıstrlikti 2020 jylǵy 25 mamyrdan bastap Qazaqstan Respýblıkasynan Japonııaǵa jylqy eti eksportynyń ashylǵany týraly resmı túrde habardar etti», - delingen QR Aýyl sharýashylyǵy mınıstrliginiń «QazAqparattyń» saýalyna oraı berilgen jaýapta.

Japon tarapymen qol jetkizilgen ýaǵdalastyqtar aıasynda Mınıstrlik Japonııa naryǵyna jylqy etin eksporttaýǵa múddeli 34 qazaqstandyq et óńdeý kásiporynynyń tizimin resmı túrde jiberdi.

Qazaqstan Respýblıkasynyń 13 óńirinen (Aqmola, Aqtóbe, Almaty, Atyraý, Shyǵys Qazaqstan, Jambyl, Batys Qazaqstan, Qaraǵandy, Qostanaı, Pavlodar oblystary jáne Almaty men Shymkent qalalary) qazaqstandyq kásiporyndar Japonııaǵa jylqy etin jetkizýdi josparlap otyr.

Eýrazııalyq ekonomıkalyq odaqqa múshe memleketterge toqtalsaq, et pen et shıkizaty jáne daıyn et ónimderiniń eksporty Keden odaǵy komıssııasynyń 2010 jylǵy 18 qarashadaǵy №455 sheshimimen bekitilgen Veterınarııalyq sertıfıkattardyń biryńǵaı nysandarynyń súıemeldeýimen Keden odaǵy Komıssııasynyń 2010 jylǵy 18 maýsymdaǵy № 317 sheshimimen bekitilgen Taýarlardyń baqylaýdaǵy veterınarııalyq baqylaýyna qoıylatyn biryńǵaı veterınarııalyq talaptarǵa sáıkes júzege asyrylady.

Munymen qosa, et jáne et ónimderin TMD-ǵa múshe memleketterge eksporttaý 1993 jylǵy 12 naýryzda qol qoıylǵan veterınarııa salasyndaǵy yntymaqtastyq týraly kelisim aıasynda júrgiziledi.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Úmbet Sholpan
Úmbet Sholpan
954-059

MURAǴAT