+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Japonııada taıfýn saldarynan 19 adam mert boldy, 16-sy izdestirilýde

2019 jylǵy 13 qazan 14:46
Bólisińiz:
Japonııada taıfýn saldarynan 19 adam mert boldy, 16-sy izdestirilýde

TOKIO. QazAqparat – Japonııaǵa tóngen «Hagıbıs» taıfýnynyń saldarynan 19 adam qaza bolyp, 16-sy iz-túzsiz joǵaldy. Bul týraly QazAqparat Kyodo News-ke silteme jasap habarlaıdy.

Málim bolǵandaı, taǵy 100-ge jýyq adam zardap shekken.

Mamandardyń baǵalaýynsha, Japonııanyń keıbir aýdandarynda sý tasqyndary bolýy múmkin.

Eldiń basty araly – Honsıýda turatyn 6 mıllıonnan astam adamdy evakýatsııalaý qajettigi aıtyldy. Poıyzdardyń deni toqtap, el astanasy men oǵan jaqyn mańdaǵy aýdandarda áýejaılar jabyldy.

Jeksenbi kúni Tokıoda, sondaı-aq Japonııanyń ortalyq jáne shyǵysyndaǵy basym aýmaqta halyqty evakýatsııalaý usynysy keri qaıtarylǵanymen, Jer resýrstary, ınfraqurylym, kólik jáne týrızm mınıstrliginiń málimetinshe, 12 prefektýrada topyraq kóshkini men sel tasqyndarynyń 48 oqıǵasy tirkelgen. Sondaı-aq 9 ózen arnalarynan shyqqan.

Sý bógetteriniń jarylýynyń aldyn alý maqsatynda keıbir nysandarda sýdy aǵyzyp jiberý sharalaryna ruqsat etildi.

Jergilikti jaǵalaý kúzetiniń aqparatyna sáıkes, senbi kúni keshke Tokıo shyǵanaǵynda 12 ekıpaj múshesi mingen panamalyq júk kemesi sýǵa batyp ketken. Bul aýmaqta quıyndy jel men nóserli jaýyn bolǵan. Jeksenbi kúni tańerteń ekıpajdyń bes múshesi qutqaryldy. Alaıda, olardyń biri keıin kóz jumdy.

Bizdiń kanalymyzǵa jazylyńyz:

Basty sózder: Álem,
Bólisińiz:

Aýdarma:

Mıra Tólendiqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT