Japonııada omıkron shtamyn juqtyrý jaǵdaıy tirkeldi
2021 jylǵy 30 qarasha 13:49

Japonııada omıkron shtamyn juqtyrý jaǵdaıy tirkeldi

TOKIO. Kyodo-QazAqparat – Japonııa astanasy Tokıodaǵy Narıta áýejaıynda koronavırýstyń jańa omıkron shtamyn juqtyrý jaǵdaıy tirkeldi. Bul týraly seısenbi kúni Kyodo agenttigi málim etti, dep habarlaıdy QazAqparat.

Jańa shtamm anyqtalǵan er adam 30-40 jas aralyǵynda, Namıbııadan ushyp kelgen. Shekaradan ótý kezinde odan vırýs anyqtalyp, oqshaýlanǵan. Odan keıin dárigerler omıkron shtamyn anyqtaý úshin qosymsha taldaý jasaǵan. Nátıjesi oń bolyp shyqty.

Álemde omıkron shtamynyń taralýyna baılanysty Japonııa 30 qarashadan bastap úsh apta buryn sheteldik bıznesmenderge, stýdentter men tehnıkalyq taǵylymgerlerge elge kirýge engizilgen jeńildetýlerdi alyp tastady. Sonymen qatar barlyq elder azamattaryna jańa vıza berýdi toqtatty. Atalǵan sharalar mamandar jańa shtamnyń qaýpi týraly qorytyndyǵa kelmeıinshe, bir aı kóleminde qoldanylady. Kerek bolǵan jaǵdaıda shekteýler sozylatyn bolady.

Sonymen qatar Japonııa 30 qarashadan bastap 23 el men óńirden kelýshilerge karantındik sharalardy kúsheıtti. Odan bólek, Angola, OAR, Zımbabve, Namıbııa elderin qosqanda, Afrıkanyń 10 elinen kelgen azamattardy on kúndik karantınge jiberetin bolady.


Uqsas jańalyqtar

Jańalyqtar

Úrdis

MURAǴAT