Japonııada kóterme baǵa sáýirde 10%-ǵa ósken
2022 jylǵy 16 mamyr 20:42

Japonııada kóterme baǵa sáýirde 10%-ǵa ósken

BEIJІŃ. QazAqparat – Japonııada sáýirde kóterme baǵa rekordtyq deńgeıge jetti. Bul týraly Japonııanyń ortalyq banki usynǵan statıstıkalyq derekterde jazylǵan, dep habarlaıdy QazAqparat menshikti tilshisi.

Ortalyq banktiń aqparatyna sáıkes, Japonııada sáýir aıynda kóterme saýda baǵasy 10%-ǵa ósti. Sońǵy ret mundaı ósim 1981 jyly bolǵan.

Munaı ónimderi men kómirdiń baǵasy 30,9%-ǵa, aǵash materıaldary men aǵashtan jasalǵan buıymdar (+ 56,4%), tústi metaldar (+25%), temir men bolat (+29,9%) qymbattaǵan. Sýsyndar men tamaq ónimderi (+3,7%) ósken.

Jergilikti BAQ jazǵandaı, japondyq kásiporyndardyń sany ósip kele jatqan shyǵyndarǵa baılanysty ónim baǵasyn kóterip, óz shyǵyndaryn satyp alýshylar esebinen jabýda.

Osyǵan baılanysty Japonııada aldaǵy aılarda tutynýshylyq ınflıatsııany jedeldetpekshi. Shıkizatqa jumsalatyn shyǵyndardyń ósýi avtoónerkásip kásiporyndaryn qosa alǵanda, japondyq óndirýshilerdiń operatsııalyq qyzmetiniń perspektıvalaryna teris yqpal etýi múmkin.


Uqsas jańalyqtar
Avtor:
Tilshi

Jańalyqtar

MURAǴAT