Janýarlarǵa qatygezdik jasaǵandardyń bas bostandyǵy 2 jylǵa shektelýi múmkin

NUR-SULTAN. QazAqparat – Qazaqstanda janýarlarǵa qatygezdik kórsetken adamdardyń 2 jylǵa deıin bas bostandyǵy shektelýi múmkin. Bul týraly búgin Ortalyq kommýnıkatsııalar qyzmetinde ótken brıfıngte Ekologııa, geologııa jáne tabıǵı resýrstar mınıstri Maǵzum Myrzaǵalıev aıtty, dep habarlaıdy QazAqparat tilshisi.
«Adamdar tarapynan janýarlarǵa ne úshin qatygezdik jasalatyny túsiniksiz. Bul aqtaýǵa kelmeıdi. Kún saıyn áleýmettik jelilerde aqylǵa syımaıtyn áreketter jarııalanyp jatady. Aqqýdy tunshyqtyryp, ıtbalyqty uryp, ıtti qorlap jatqanyn kórdik. Buǵan uqsas faktiler kóp. Sondyqtan jazany kúsheıtý qajet», - dedi Maǵzum Myrzaǵalıev OKQ-da ótken baspasóz máslıhatynda.
Mınıstr atap ótkendeı, sondyqtan búginde Qylmystyq kodekstiń 316-baby («Janýarlarǵa qatygezdik jasaý») boıynsha jazany kúsheıtý usynylyp otyr.
«Aıyppul ulǵaıady, tipti bas bostandyǵyn shekteý jazasy engizilýi múmkin. Zań jobasy jaqynda Májiliske joldandy. Budan bólek depýtattarmen, janýarlardy qorǵaýshylarmen birge Janýarlardy qorǵaý týraly zań jobasy ázirlendi. Onyń júzege asýy janýarlarǵa adamgershilikpen, jaýapkershilikpen qaraýdy qamtamasyz etedi. Túrli sanattaǵy janýarlarǵa qaraý boıynsha jalpy jáne arnaıy talaptar bekitiledi. Sonymen birge janýarlarǵa jasalǵan kez kelgen qatygezdik áreketke qatysty jaýapkershilik ilespe zańda qarastyrylǵan», - dedi mınıstr.
Atap óterligi, jańa qujatta jabaıy, úı, qyzmettik jáne aýyl sharýashylyǵy janýarlaryna jasalatyn qatygezdiktiń aldyn alý sharalary tolyq qaralǵan. Janýarlarǵa veterınarlyq kómek, tıisti kútim jasaý, oıyn-saýyqtyq maqsatta paıdalaný erejeleri bekitilgen. Al janýarlarǵa qatygezdikti nasıhattaýǵa tyıym salynǵan.
- Almatyda Táýelsizdiktiń 30 jyldyǵyn merekeleýge arnalǵan keńes ótti
- Aqtóbede soǵys ardagerlerine 2 mıllıon teńgeden beriledi
- Prezıdent tapsyrmasy: Aqtóbede jylyna 500-600 gektar jer ormandy alqapqa aınalmaq
- 23 sáýirde elimizde ótetin mańyzdy sharalar ańdatpasy
-
SQO-da aýyl turǵyny ınternet-alaıaqtarǵa senip, 2 mln nesıe alyp bergen
-
Túrmede otyryp, qylmystyq top qurǵan: BQO-da esirtki satýshylar sottaldy
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam