+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Jansaqtaý bólimindegi ár ananyń ómiri qymbat – aqtóbelik meıirger

2021 jylǵy 12 mamyr 20:32
Bólisińiz:
Jansaqtaý bólimindegi ár ananyń ómiri qymbat – aqtóbelik meıirger

AQTÓBE. QazAqparat – Aqtóbelik Saltanat Serikbaeva – jas maman. Ol alǵashynda ýchaskelik meıirger bolsa, qazir jansaqtaý bólimindegi jas analarǵa qamqorlyq kórsetip júr, dep habarlaıdy QazAqparat tilshisi.

Saltanat Ǵaısaqyzy Temir aýdany, Keńqııaq orta mektebiniń 9-synybyn bitirip, Aqtóbe medıtsına kolledjine oqýǵa tústi. Mamandyǵy – meıirger. 2012-2016 jyldary aralyǵynda bilim alyp, óńirdegi emdeý mekemelerinde tájirıbe jınady. Al 2016 jyldyń kúzinde №4 qalalyq emhanaǵa jumysqa ornalasty.

«Jas maman úshin eńbek jolyn bastaǵan kezde bilikti tálimgerdiń bolǵany mańyzdy dep oılaımyn. Oqý bitirip, qolǵa dıplom alǵan kezde ýchaskelik meıirgerdiń júgin túsinbedim. Aldymen turǵyndarmen tanysyp, olardyń medıtsınalyq kartasyn toltyrdym. Maǵan keste boıynsha turǵyndardy skrınıngke shaqyrý mindeti qoıyldy. Árqaısysyna habarlasyp, ótishin jasaımyn. Al tósek tartyp, úıde jatqan naýqastarǵa arnaıy baryp, dárisin beremiz, qajet bolsa egemiz. Qazir osy mamandyqty tańdaǵanyma ókinbeımin. Óte jaýapty ári qyzyqty sala», - dedi meıirger Saltanat Serikbaeva.

Eki jyl tájirıbe jınaǵan jas maman qazir №1 perınataldyq ortalyqty eńbek etip júr. Ana men bala ómiri úshin jaýapty. Jansaqtaý bólimi meıirger júgin eseledi.

«Buryn úılerdi aralasam, qazir jumysym bir ortalyqqa baılaýly. Perzenthana sozylmaly aýrýy bar, densaýlyǵy syr bergen aıaǵy aýyr áıelderge basymdyq beredi. Ózim jansaqtaý bóliminiń meıirgerimin. Naýqastarǵa kútip jasaımyn, dárigerdiń nusqamasymen ekpesin beremin. Sonymen birge otaǵa qatysamyn. Anestezıologtiń janynda meıirgermin. ıAǵnı, uıyqtatyn dári salyp, ota bitken soń jas anany palataǵa jetkizemiz. Ári ota ústinde arnaıy kartany toltyramyz», - dedi Saltanat Serikbaeva.

Meıirger koronavırýs ınfektsııasyna qarsy ekpeni qabyldady. Ol emdeý mekemesinde eńbek etetin ár adam dál osy jolmen ózin jáne ortany, otbasyn qorǵaýy kerek dep esepteıdi.

«Naýqastyń saýlyǵy úshin eńbek etip júrgen áriptesterim óz densaýlyǵyn da oılaýy tıis. Biz eńbek etetin perzenthana pandemııa kezinde asa saqtyqpen jumys istedi. Árbir júkti kelinshektiń densaýlyǵy tekserilip, ınfektsııa anyqtalǵany arnaıy bólimge jiberildi. Qazir de jumys qyzý. Ana men bala densaýlyǵy úshin kúreste talmaı eńbek etip júrgen áriptesterimdi búgingi tól merekemen quttyqtaımyn. Biz úshin adamdardyń lebizi men alǵysynan artyq marapat bolmas, sirá», - dedi jas meıirger. Saltanat Serikbaeva aldaǵy ýaqytta bilimin jetildirip, osy salanyń qyr-syryn meńgerýdi jalǵastyra bermek. Al osy mamandyqty tańdaǵan ózi sekildi jastardy tózimdi bolýǵa shaqyrady. Sebebi jas ananyń ár sózin qup alyp, onyń jany men tán tynyshtyǵy úshin bar zeıinin arnaýy kerek. Sonda ǵana ár aq halattynyń abyroıy arta bermek.


Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT