+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

«Jánnatty» ańsap, adasqan áıeldiń áńgimesi

2019 jylǵy 19 qazan 19:50
Bólisińiz:
«Jánnatty» ańsap, adasqan áıeldiń áńgimesi

ALMATY. QazAqparat - QR UQK ótkizgen keń kólemdi «Jýsan-2» operatsııasy kezinde Sırııadaǵy qaqtyǵys aımaqtarynan 231 qazaqstandyq elge qaıtty. Onyń 16-sy - er adam, 59-y - áıel jáne 156 bala bar. Bozdaladaǵy beıbit kúnniń baǵasyn bilmeı, jat aǵymnyń jeteginde ketkenderdiń qatarynda Fatıma esimdi kelinshek te bar. «Jánnatty» ańsap, adasqan áıel kórgen qıyndyqtary jaıly baıandap berdi.

Uqsas jańalyqtar
Professor: Dinniń saıasılanýy memlekettik saıasattyń belsendiligin qajet etedi Jat aǵymdardyń saldarynan jastar óz bolmys-bitimin joǵalta bastady UQK: Qazaqstanda destrýktıvti aǵymdy ustanatyndardyń sany 20 myńnan asady

Fatımanyń (esimi ózgertilgen) namaz oqyp, Sırııaǵa ketýine kúıeýi sebepker bolǵan. 2009 jyly 11-synypty bitirgen ol Almatyǵa oqýǵa túsip, úlken megapolıste bolashaq jarymen tanysqan.

«Ekinshi kýrsta oqyp júrgen kezde turmysqa shyqtym. Kúıeýim óte sabyrly, kóp ashýlana bermeıtin edi. Bir-birimizdi unatyp shańyraq kótergendikten esh qıyndyq bolǵan joq. Kóp uzamaı uldy boldyq. Biraq men oqýymdy tastaǵan joqpyn. Bir kúni men sabaqqa daıyndalyp otyrǵan kezde úıge úsh erkek keldi. Olar kúıeýimmen biraz ýaqyt jeke sóılesti. Sodan soń ol birden Sırııaǵa baramyn dep sheship, solarmen ilesip ketip qaldy. 2014 jyldyń jazynda ulymdy alyp men de sol jaqqa attandym», - deıdi Fatıma.

Bastapqyda bári jaqsy bolǵan. Soǵys júrip jatqanymen Islam elinde, sharıǵat boıynsha ómir súrip jatyrmyz dep oılady.

«Soǵys bizden alys jerde júrdi, biz áıelder bala-shaǵamyzben qalada turdyq. Sham elindegi qazaqstandyqtar Sırııanyń shyn máninde qandaı ekenin 2017 jyly ańǵardyq»,- dedi ol.

2017 jyldyń jeltoqsan aıynda Fatıma kúıeýinen aıyryldy. Joldasynyń ústine bomba túsip, kóz jumǵan. Qystyń qaqaǵan aıazynda sodyrlar Fatımalardyń turyp jatqan qalasyna kirgen. Mine, osy ýaqyttan bastap qıyn kúnder bastalǵan.

«Biz soǵystyń dál ortasynda júrdik, janymyzdan oq ushyp, jarylys bolyp jatatyn. Sol kezden bastap ár jerge bir kóship, ash júrdik. Jergiliktiler dáýletti turdy, qaryndary toq edi. Al basqa elden kelgender eshkimge kerek bolmady. Biz jesirler bir úıde turatynbyz. Qaıyrshy sekildi jan-jaqtan tamaq suraı bastadyq. Elge oralýǵa jol izdegenimizben Qazaqstanǵa qaıtý óte qaýipti edi»,- dedi ol.

Fatımanyń aıtýynsha, soǵys alańynda adamdar «jánnatqa barý» úshin óz janyn qurban etken eken.

«Ol jaqta kóp adamdar jánnatqa baramyz dep ózin jaryp jiberip jatty. Sebebi, «jánnatqa barýǵa asyǵyńdar» dep adamdardy osyǵan shaqyratyn. Keıinnen lagerlerge shyqtyq. Ol jerde jarylystyń kesirinen aıaǵy ne qoly joq, taǵy da basqalaı jaraqattanǵan adamdar kóp boldy. Olarǵa eshqandaı medıtsınalyq járdem berilmedi, dári-dármek te joq, eshkim qaramaıdy, tipti aıaqtary qurttap, shirip, sasyp jatqandar da kezdesetin. Musylmandar qatty qınalyp jatty»,- deıdi kelinshek.

Qolyndaǵy balasymen qıyndyqty ábden kórgen Fatıma turmysqa shyǵýǵa bel býady.

«Ol jaqtyń erkekterinde eki-úsh áıelden bolady.Men ekinshi, úshinshi áıel bolǵym kelmegendikten otbasymen bombanyń astynda qalyp, áıel, bala-shaǵasynan aıyrylǵan múgedek adamǵa turmysqa shyqtym. Biraq ol kúıeýimmen kóp turmadym»,- deıdi ol.

Qazaqstandyq áıel otanǵa 2019 jyldyń mamyr aıynda «Jýsan-2» operatsııasymen oraldy. Joldasymen jumaqty ańsaǵan áıel adasqany úshin jaqyndarynan keshirim surady.

«Men ata-anamnan, týǵan-týystarymnan, dostarymnan keshirim suraımyn. Maǵan taǵy bir múmkindik berýin ótinem. Islam – meıirim dini. Men olarǵa ıslamdy jaqsy jaǵynan kórsetkim keledi. Tek bizder adasyp kettik»,- dep áńgimesin qorytyndylady kelinshek.

Bizdiń kanalymyzǵa jazylyńyz:

Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT