Jankúıerlerdiń qylyǵy úshin ÝEFA Qazaqstan fýtbol federatsııasyna aıyppul saldy
2022 jylǵy 29 mamyr 19:10

Jankúıerlerdiń qylyǵy úshin ÝEFA Qazaqstan fýtbol federatsııasyna aıyppul saldy

NUR-SULTAN. QazAqparat – ÝEFA tarapynan Qazaqstan fýtbol federatsııasyna 19 250 eýro kóleminde aıyppul salyndy, dep habarlaıdy QazAqparat tilshisi.

Mundaı aıypqa Qazaqstan fýtbol federatsııasy Ulttar lıgasy aıasynda Moldovamen bıyl 29 naýryzda ótken oıyn kezinde jankúıerlerdiń trıbýnadan zat laqtyryp, alańǵa júgirip shyqqany úshin iligip otyr.

Osyǵan oraı Qazaqstan fýtbol federatsııasy jankúıerlerdiń qoldaýyna alǵysyn bildire otyryp, Ulttar lıgasynda 3 maýsym kúni elordada «Astana Arenada» Ázerbaıjan quramasymen ótetin match qarsańynda úndeý jarııalady.

«Mundaı áreketter jalǵasatyn bolsa, ÝEFA ulttyq quramanyń oıyndaryna odan da qatań talap qoıýy yqtımal. Máselen, ulttyq quramanyń matchtaryna jankúıerlerdi qatystyrmaý týraly sheshim shyǵarýy múmkin. Sol sebepti aldaǵy oıyndarda qoldaýdyń joǵary ári mádenıetti deńgeıin kórsetýge shaqyramyz.Túsinistik tanytqan ár jankúıerge ystyq yqylasymyzdy bildirip, ulttyq quramany árqashan qoldaıdy úmittenemiz» delingen onda.


Jańalyqtar

MURAǴAT