+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Jankúıerler Dımash Qudaıbergendi elorda áýejaıynan kútip aldy

2019 jylǵy 12 jeltoqsan 18:38
Bólisińiz:
Jankúıerler Dımash Qudaıbergendi elorda áýejaıynan kútip aldy

NUR-SULTAN. QazAqparat – Qazaq ulttyq óner ýnıversıtetiniń stýdentteri men oqytýshylary, sondaı-aq eordalyq tyńdarmandar shyǵarmashylyǵy álemge áıgili, tanymal ánshi Dımash Qudaıbergendi Nursultan Nazarbaev halyqaralyq áýejaıynan kútip aldy, dep habarlaıdy QazAqparat tilshisi.

«Nıý-Iorktiń Barclays Center úlken álemdik sahnasynda qazaq ánderi shyrqaldy. Álemniń 60 elinen tyńdarmandar keldi. Bizdiń qazaqtyń jalaýyn ustap turǵanynan olardyń bizdiń elge degen qurmetin baıqaýǵa bolady. Bul - biz úshin ǵana emes, elimiz úshin de úlken mártebe. Elge degen qurmet - birinshi kezekte, qazaq jerine, mádenıeti men ónerine degen qurmet. Dımashtyń ánderin súıip tyńdaıtyn barshańyzǵa alǵysymdy aıtamyn, sondaı-aq qoldaý kórsetken elimizdiń basshylyǵyna sheksiz rızamyz», - degen aqjarma tilegin bildirdi Dımash Qudaıbergenniń ákesi ári prodıýseri Qanat Aıtbaev.

Áýejaıǵa QazUÓÝ stýdentteri ǵana emes, fanklýbtar men qarapaıym turǵyndar da kelgen. Tipti halyqtyń súıiktisi, talantty ánshini qoldaý úshin elordaǵa arnaıy kelgen qonaqtar da bar. Olar ánshini zor qoshemetpen, gúl shoǵymen jáne syılyqtarymen qarsy aldy. Kútip alýshylar ánshiniń sýreti men qoltańbasy bar fýtbolkalar kıip, arnaıy plakattar daıyndaǵan eken.

Eske sala keteıik, QR Táýelsizdik kúnine oraı Dımash Qudaıbergenge «Qazaqstannyń eńbek sińirgen qaıratkeri» qurmetti ataǵy berildi.

Aıta keteıik, álemge tanymal qazaq oryndaýshysy Dımash Qudaıbergenniń Nıý-Iorktegi kontserti úlken anshlagpen ótken bolatyn. Álemdik sahnada ol halyq ánderin shyrqady. Al ony tyńdaýǵa AQSh, Avstralııa, Meksıka, Reseı, Chılı, Bolgarııa, Fılıppın, Ispanııa, Kanada, Qazaqstan, Japonııa sııaqty 60 elden tyńdarmandar keldi.

Sýretter Huawei P30 smartfonyna túsirilgen, Huawei Technologies Co. Ltd. kompanııasy
Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT