+7 (701) 759 90 19 Lenta
USD 385.42 EUR 424.58
RUB 6.00 CNY 54.31
Jańalyqtar

Jankent qalashyǵy týrıstik nysanǵa aınalady

2019 jylǵy 15 tamyz 01:41
Bólisińiz:
Jankent qalashyǵy týrıstik nysanǵa aınalady

QAZALY. QazAqparat - Qyzylorda oblysy Qazaly aýdany aýmaǵynda oryn tepken Jankent qalashyǵyn týrıstik nysanǵa aınaldyrý maqsatynda aýqymdy qazba jumystary jasalyp keledi. Bul baǵytta jergilikti arheologtar Germanııa jáne Reseı ǵalymdarymen birge jumys jasaýda, dep habarlaıdy QazAqparat tilshisi.

Uqsas jańalyqtar
Serik Aqsuńqaruly: Qazaqtyń ulttyq kody – qara óleńde! Abaı aýdanynda Toqtamys Laqaulyna eńseli eskertkish ornatyldy «Rýhanı jańǵyrý»: Qaraǵandylyq mýzykanttar kóshpeli kontsertter ótkizýde

Jankent qalashyǵy Qazaly aýdanyna qarasty Jankent aýylynan ońtústik-shyǵysqa qaraı 500 metrde oryn tepken. Jankent X-XI ǵasyrlarda oǵyzdardyń ordasy bolǵan degen derekter aıtylady. Respýblıkalyq mańyzy bar tarıh jáne mádenıet eskertkish «Qazaqstannyń kıeli jerleriniń geografııasy» jobasy aıasynda oblystyń jalpyulttyq qasıetti nysandar tizimine engizilgen. Bıyl Jankent qalashyǵynda keshendi arheologııalyq jáne qaıta jańǵyrtý sharalary atqarylýda.

Bıylǵy arheologııalyq jumystardy nemis jáne orys ǵalymdarymen birge Qorqyt ata atyndaǵy Qyzylorda memlekettik ýnıversıteti janyndaǵy «Arheologııa jáne etnografııa» ǵylymı-zertteý ortalyǵy qolǵa aldy. Oǵan ortalyq jetekshisi Ázilhan Tájekeev basshylyq jasaıdy.

Arheologııalyq sharalar oblys ákimdigi janyndaǵy Qyzylorda oblysynyń tarıhı-mádenı muralaryn qorǵaý jáne paıdalaný jónindegi ǵylymı-ádistemelik keńestiń sheshimimen qolǵa alynǵan. Bul sharalarǵa oblystyq bıýdjet esebinen qarjy bólindi. Bıyl qalashyqty týrıstik nysanǵa aınaldyrý maqsatynda aýqymdy qazbalar sharalary júzege asty. Arshylǵan qurylys nysandaryn qalpyna keltirý, saqtaý jumystaryna da kóńil bólindi.

Bıylǵy jyldyń tamyz-qyrkúıek aılary aralyǵynda Germanııanyń Tıýbengen ýnıversıteti, Reseı Federatsııasynyń Nıkolaı Mıklýho-Maklaı antropologııa ınstıtýty ǵalymdary arheologııalyq zertteý sharalaryn júrgizip keledi. Bul maqsatta atalmysh zertteý oryndarymen Qorqyt ata atyndaǵy Qyzylorda memlekettik ýnıversıteti arasyndaǵy memorandým jasalǵan. Nátıjesinde Jankent qalasynda geomarfologııa, geofızıka, topyraqtaný baǵyty boıynsha mańyzdy jobalar jasalýda. Bul baǵytta nemis, orys ǵalymdary óz qorytyndysyn usynyp, qyzylordalyq arheologtarmen birge birlesken arheologııalyq zertteý sharalaryn jalǵastyryp keledi. Qazirgi kúni nemis jáne orys ǵalymdary Genrıh Harke, Irına Arjantseva Jankent qalashyǵynda óz jumystaryn atqaryp keledi.

«Qazba jumystarymen qatar, qalashyqtyń shyǵys qorǵanys qabyrǵasyna QR Mádenıet jáne sport mınıstrligi tarapynan respýblıkalyq bıýdjet esebinen qaıta jańǵyrtý sharalary da atqarylyp keledi. Bul baǵytta «Qazrestavratsııa» mekemesi qalashyqtyń shyǵys qorǵanys qabyrǵasynynyń ózekti jáne qulaý qaýpinde turǵan jerlerin saqtaý, bekitý, qalpyna keltirý jumystaryn júrgizýde», - dedi «Arheologııa jáne etnografııa» ǵylymı-zertteý ortalyǵynyń jetekshisi Ázilhan Tájekeev.

Eske salsaq, Jankent qalashyǵy ıÝNESKO-nyń mádenı muralar tizimine engiziletindigi týraly habarlaǵan bolatynbyz.


Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT