+7 (701) 759 90 19
USD 425.59 EUR 505.43
RUB 5.61 CNY 64.83
Jańalyqtar

Jandarbek Bekshın kınoteatrlardy nege ashyp jatqanyn túsindirdi

2020 jylǵy 20 qazan 12:38
Bólisińiz:
Jandarbek Bekshın kınoteatrlardy nege ashyp jatqanyn túsindirdi

ALMATY. QazAqparat – Almatyda ótken onlaın brıfıng barysynda Almaty bas sanıtarlyq dárigeri Jandarbek Bekshın nelikten kınoteatrlardyń jumysyna ruqsat berilgenin túsindirdi, dep habarlaıdy QazAqparat tilshisi.

Onyń aıtýynsha, qazir kınoteatrlar men saýda oıyn saýyq ortalyǵynyń senbi kúnderi ashylýyna qatysty talqylaý júrip jatyr.

«Bul tek jasyl aımaqtaǵy óńirlerge ǵana qatysty. Eger, aýrý kórsetkishteri ósip bara jatsa, kınoteatrlardyń ashylýy týraly másele qarastyrylmaıdy. Kınoteatr basshylary ujymdyq retserkýlıatsııa, bakterıtsıdti shamdar ornata bastady. Zalǵa 30 paıyzdan artyq adam kirgizbeý, adamdardy qashyqtan otyrǵyzý sııaqty usynystar aıtyp jatyr. Al saýda-oıyn saýyq ortalyqtarynda kóńil kóterý oryndary burynǵydaı jabyq bolady. Bıznes ókilderi osy ýaqytqa deıin jaı qarap otyrǵan joq. Ujymdyq dıagnostıkanyń túrli sharalaryn qabyldady. Qazir saýda oıyn saýyq ortalyǵynda kelýshilerdiń sanyn esepteýge múmkindik týdy. Eger kelýshiler sany 30 paıyzdan asyp ketse, ortalyq basshylyǵy birden nysandy jabýy tıis. Bıznes ókilderi ortalyqta retserkýlıatsııa, aýany zararsyzdandyrý sııaqty túrli sharalardy qolǵa alyp jatyr. Bul jerde negizgi maqsat basqa nysandarǵa júktemeni azaıtý. Eki kún qatarynan aýrý kórsetkishiniń shekti ósim deńgeıinen asyp jatqan joq. Eger odan asyp ketse, karantındi jeńildetý sharalary múlde qarastyrylmaıdy», - dedi Bekshın.

Onyń aıtýynsha, bul másele birden qabyldanbaıdy.

«QR Bas sanıtarlyq dárigeriniń qaýlysynan soń bul másele qoǵamdyq uıymdar, bıznes, qala bıliginiń qatysýymen qalalyq shtabta qaralady. Ol nysandar jumys istep tur. Tek senbi kúnderi keshki 17:00 deıin jumys isteýi qarastyrylady», - dedi dáriger.

Aıta ketý kerek, Almatyda epıdemıologııalyq ahýal turaqty dese de bolady. Táýliktik ósim kólemi 0,5 paıyz bolyp otyr. Ótken táýlikte qalada 12 adam vırýs juqtyrǵany anyqtaldy. Onyń ishinde 10 adam jergilikti bolsa, 2 adam vırýsty Egıpetten juqtyryp kelgen.

Eske sala ketsek buǵan deıin Úkimet janyndaǵy vedomstvoaralyq komıssııanyń sheshimine sáıkes, el óńirlerindegi shekaradan ótkizý pýnkterinde sanıtarlyq-epıdemıologııalyq baqylaý kúsheıtiletini habarlanǵan bolatyn. Komıssııa sheshimine sáıkes Qazaqstan koronavırýsqa qatysty ahýaly nashar elderge áýe reısterin qysqartady.
Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT