+7 (701) 759 90 19
USD 423.95 EUR 495.81
RUB 5.84 CNY 65.6
Jańalyqtar

Jandarbek Bekshın balalarǵa koronavırýsqa qarsy vaktsına salý týraly aıtty

2021 jylǵy 16 shilde 17:29
Bólisińiz:
Jandarbek Bekshın balalarǵa koronavırýsqa qarsy vaktsına salý týraly aıtty

ALMATY. QazAqparat - Almaty qalasynyń memlekettik bas sanıtar dárigeri Jandarbek Bekshın onlaın brıfıng barysynda balalarǵa vaktsına qashan salynady degen suraqqa jaýap berdi, dep habarlaıdy QazAqparat tilshisi.

Onyń aıtýynsha, elimizde koronavırýsqa qarsy salynyp jatqan vaktsınanyń barlyǵy 18 jastan asqandarǵa arnalǵan.

«Balalarǵa vaktsına salynady eken degen qaýeset halyqty úreılendirip jatyr. Vaktsınanyń balalarǵa salynatynyn rastaıtyn eshqandaı resmı qujat joq. Sondyqtan mundaı ańyz aqparatty taratýdy doǵarý kerek. Onyń barlyǵy halyqty alańdatý maqsatynda jasalyp jatyr dep oılaımyn. Elimizde 18 jasqa deıingi balalarǵa vaktsına salý máselesi qaralmaǵan», - dedi Jandarbek Bekshın.

Onyń aıtýynsha, jyl basynan beri bir jasqa tolmaǵan 1180 náreste koronavırýs juqtyrǵan.

«Al shilde aıynyń eki aptasynda 185 náreste aýyrǵan. Olarǵa ata-anasynan, ıaǵnı otbasynda juǵyp jatyr. Bir jasqa tolmaǵan náresteler qaı jeri aýyryp turǵanyn aıta almaıdy. Sondyqtan olardy qorǵaý kerek. Onyń ústine 18 jasqa tolmaǵan balalar arasynda da aýrýshańdyq ósip barady. Byltyr 280 oqýshy aýyrsa, bıyl 5 myńǵa jetti. Sondyqtan qaýipsizdik sharalaryn ustanýymyz kerek», - dedi Jandarbek Bekshın.

Eske salsaq, búgin elordada ótken baspasóz máslıhatynda QR Densaýlyq saqtaý mınıstrligi sanıtarııalyq-epıdemıologııalyq baqylaý komıtetiniń tóraǵasy Aıjan Esmaǵambetova

qazirgi ýaqytta Qazaqstanda balalardyń da vaktsına alý múmkindigin qarastyryp jatqanyn aıtty.




Bizdiń kanalymyzǵa jazylyńyz:

Bólisińiz:

Avtor:

Alma Muqanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT