+7 (701) 759 90 19 Lenta
USD 389.52 EUR 429.21
RUB 6.07 CNY 54.94
Jańalyqtar

Jańatas qalasynyń 50 jyldyq mereıtoıy atalyp ótti

2019 jylǵy 17 qyrkúıek 21:56
Bólisińiz:
Jańatas qalasynyń 50 jyldyq mereıtoıy atalyp ótti

JAŃATAS. QazAqparat – Jambyl oblysy Sarysý aýdanynyń ortalyǵy – Jańatas qalasynyń 50 jyldyq mereıtoıy joǵary deńgeıde atalyp ótti, dep habarlaıdy QazAqparat tilshisi.

Kenshiler qalasy atanǵan Jańatas óziniń jarty ǵasyrlyq mereıtoıyn saltanatpen atap ótti. Osydan 50 jyl buryn qazynaly Qarataýdyń qoınaýyndaǵy qala mártebesine ıe bolǵan Jańatas qalasy búginde keregesin keńinen jaıyp, jyl ótken saıyn jańaryp, jasaryp keledi.

Jańatas qalasynyń 50 jyldyǵyna arnalǵan eki kúndik is-shara aýdan ákimdiginiń májilis zalynda saltanatty marapattaý jıynynan bastaldy.

Bul kúni kenshiler qalasynyń 50 jyldyǵyna arnap «Evrohım» jaýapkershiligi shekteýli seriktestigi men «Qarataý» taý-ken óńdeý kásiporny uıymdastyrǵan fotokórmeniń ashylý saltanaty ótti. Keshkisin Mádenıet úıinde qala turǵyndary men qonaqtary ánshi, dombyrashy, Qazaqstan Respýblıkasynyń eńbek sińirgen mádenıet qaıratkeri Tatıana Býrmıstrovanyń jeke kontsertin tamashalady.



Toıdyń kelesi kúni qonaqtar qalanyń kórikti jerlerin aralap, shaǵyn shaharda bolyp jatqan ońdy ózgeristerge kýá boldy. Merekelik sharaǵa qatysýshylar qaladaǵy «Eńbek Erleri» alleıasyn aralap, boks mektebi janynan jasalǵan «Street Workout» alańshasyndaǵy sportshylardyń qoıylymyn tamashalaýǵa múmkindik aldy.

Bul kúni kenshiler qalasynyń mereıtoıyna oraı aýdandyq Mádenıet úıiniń aldynda uıymdastyrylǵan qolóner men sýret kórmesi, kitaptar ınstallıatsııasyn jáne Jańatas qalasynyń kórikti jerleriniń foto kórmesin tamashalaýshylar az bolmady.

Aýdandyq Mádenıet úıinde ótken saltanatty jıynda qala turǵyndaryn mereıli mereıtoımen aýdan ákimi Qanatbek Mádibek quttyqtady. Qalanyń ótkeni men bolashaǵyna kóz júgirtken aýdan basshysy budan keıingi qalanyń damýy men órkendeýine «Qarataý» óndiristik birlestiginiń quramyndaǵy kásiporyndar men olardyń basshylarynyń qosqan aıtarlyqtaı úlesine aıryqsha toqtaldy.



Mereıtoı aıasynda aýdandyq máslıhattyń sheshimimen aýdannyń áleýmettik-ekonomıkalyq damýyna qosqan zor úlesi men jemisti eńbegi úshin Jambyl oblysynyń Qurmetti azamaty, «Qurmet» ordeniniń ıegeri Tóleýhan Ospanbekovke, «Qarataý» taý-ken kombınatynyń ardagerleri Musa Ótemisov pen Pernebek Raıymbekovke «Sarysý aýdanynyń qurmetti azamaty» ataǵy berildi. Sondaı-aq, qalanyń kórkeıýine, gúldenýine óz úlesin qosyp júrgen bir top azamattar «Jańatas qalasyna – 50 jyl» merekelik medalimen marapattaldy.

Saltanatty shara barysynda «Sarysý» halyq teatrynyń «Jańatas qalaı ataldy?» atty teatrlandyrylǵan kórinisin tamashalap, Óner mektebi men aýdandyq Mádenıet úıi ónerpazdarynyń oryndaýyndaǵy ánder men kúılerdi tyńdap tarqasty. Al, ortalyq alańda turǵyndar keshken elimizdiń estrada juldyzdary Aqbota Kerimbekova, Nurjan Qaljan, Ońal Azamatova, óner ıeleriniń qatysýymen ótken «Jańatas – oryndalǵan armandar qalasy» atty merekelik gala-kontsertti tamashalady.



Bizdiń kanalymyzǵa jazylyńyz:

Basty sózder: Jambyl oblysy, Mádenıet,
Bólisińiz:

Avtor:

Ǵıbrat Sembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT