USD 434.84 EUR 498.2
RUB 5.72 CNY 68.47
Jańalyqtar

Janarmaı tapshylyǵy: Atyraý munaı óńdeý zaýyty dızel óndirýge kirisedi

2021 jylǵy 1 qazan 20:15
Bólisińiz:
Janarmaı tapshylyǵy: Atyraý munaı óńdeý zaýyty dızel óndirýge kirisedi

ATYRAÝ. QazAqparat – Atyraý munaı óńdeý zaýyty maýsymaralyq dızel otynyn óndirýge kirisedi, dep habarlaıdy QazAqparat.

Uqsas jańalyqtar

Kásiporynnyń baspasóz qyzmetiniń málimetinshe, óndiristik josparǵa jáne ishki naryqtyń suranysyna sáıkes, –5 gradýsta qatpaıtyn maýsymaralyq dızel otynyn shyǵarýǵa tehnologııalyq qondyrǵylardy daıyndaý júrip jatyr.

«Bul ónim aýa temperatýrasy 5 gradýstan tómendemeıtin maýsymaralyq kezeńde tutynýǵa arnalǵan. Zaýytta qaıta jańǵyrtý jobasy sheńberinde salynǵan jańa tehnologııalyq qondyrǵylardyń nátıjesinde 2019 jyly K4 ekologııalyq klasyna jatatyn dızeldiń (DT-E) osy túrin óndirý bastaldy. Aýa temperatýrasy tómendegen kezde dızel otynnyń –15, –25, –32 jáne Khazar-38, Altay-45 sekildi túrlerin shyǵarýdy bastaıdy» - dep habarlady zaýyttyń baspasóz qyzmeti.

Bıylǵy qyrkúıekte Energetıka mınıstrligi ishki naryqty dızel otynymen qamtýdyń kúrdeli jaǵdaıyna baılanysty «QazMunaıGaz» UK AQ-men birlesip, Atyraý munaı óńdeý zaýytynda júrgiziletin aǵymdaǵy jóndeýdi keıinge qaldyrý týraly sheshim qabyldanǵan.

«Atyraý munaı óńdeý zaýyty bıylǵy 8 aıda 1 027 123 tonna dızel otynyn óndirdi. Bul byltyrǵy osy kezeńdegimen salystyrǵanda 10,5 myń tonnaǵa artyq. Zaýyt 8 aıda tapsyrys berýshilerge 1 mln 032 myń tonna dızel jiberdi. Bul ótken jylǵydan 13 myń tonnaǵa artyq. Bıylǵy 5 mamyrda dızel otynynyń taýarlyq parkiniń rezervýarlary iske qosyldy» -dep málim etti baspasóz qyzmetinen.


Bizdiń kanalymyzǵa jazylyńyz:

Bólisińiz:

Avtor:

Bek Mustafa

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT