+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Janarbek Áshimjan Almatyda metro beketiniń ataýyn ózgertýge qatysty pikir bildirdi

2021 jylǵy 18 qyrkúıek 17:53
Bólisińiz:
Janarbek Áshimjan Almatyda metro beketiniń ataýyn ózgertýge qatysty pikir bildirdi

ALMATY. QazAqparat – QR Májilis depýtaty Janarbek Áshimjan Almatydaǵy metro beketteriniń ataýyn ózgertýdi qoldaıdy, dep habarlaıdy QazAqparat tilshisi.

Uqsas jańalyqtar
Álıhan, Ahmet, Qajymuqan: Petropavlda 4 mektepke qazaqtyń birtýar uldarynyń esimi berilmek

Depýtat, Qazaqstan Respýblıkasy Parlamenti Májilisiniń áleýmettik-mádenı damý komıtetiniń múshesi Janarbek Áshimjan Almatydaǵy metro beketteriniń ataýyn ózgertý jastardyń patrıotızmin damytýǵa septigin tıgizetinine senimdi.

«Bul - durys sheshim. Biz batyr, kórnekti jazýshy Baýyrjan Momyshulynyń esimin ulyqtaýymyz kerek. Áskerı oıshyl jáne teoretık polkovnık Momyshulynyń esimi fashıstik Germanııany jeńýge úles qosqan Uly Otan soǵysynyń áskerı basshylarynyń qatarynda», - dedi májilis depýtaty.

Aqynnyń aıtýynsha, ulttyq tarıhı eposta Qazaqstannyń batyrlary jarqyn tulǵalar retinde berilgen. Sondyqtan ótken ǵasyrlarda beınesi óshpegen batyr Qarasaı batyrdyń qurmetine beketke atyn berý ádil qadam bolar edi.

«Men Almatynyń batys qaqpasy Qarasaı aýdanymen shektesetinin atap ótkim keledi, sondyqtan Qarasaıdyń esimi metro stansasyna berilýi oryndy», - deıdi halyq qalaýlysy Janarbek Áshimjan.

Aıta keteıik, Dostyq beketi Abaı dańǵyly men Momyshuly kóshesiniń qıylysynda salynyp jatyr. Onyń tehnıkalyq iske qosylýy osy jyldyń sońyna josparlanǵan. «Zapadnyı» avtovokzal beketi Almaty oblysy Qarasaı aýdanynyń shekarasynda salynady.

Belgilengen tártip boıynsha ákimdiktiń qaýlysy men Almaty qalasy máslıhatynyń sheshimi Respýblıkalyq onomastıkalyq komıssııaǵa jiberiledi, onda túpkilikti sheshim qabyldanady.


Foto: taldykorgan-online.kz
Bizdiń kanalymyzǵa jazylyńyz:

Bólisińiz:

Avtor:

Alma Muqanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT