Janar-jaǵarmaı beketteri jumysyn qaıta jandandyryp jatyr –  Energetıka mınıstri
2022 jylǵy 7 qańtar 15:35

Janar-jaǵarmaı beketteri jumysyn qaıta jandandyryp jatyr –  Energetıka mınıstri

NUR-SULTAN. QazAqparat – QR Energetıka mınıstri Maǵzum Myrzaǵalıev eldegi munaı-gaz óndirisiniń qazirgi jaǵdaıyna toqtalyp ótti, dep habarlaıdy QazAqparat tilshisi «Habar 24» telearnasyna silteme jasap.

Elimizde munaı-gaz óndirisi toqtatylǵan joq. Búginde 3 munaı óńdeý zaýyty shtattyq rejımde jumys istep tur. Bul týraly atalǵan telearnaǵa QR Energetıka mınıstri Maǵzum Myrzaǵalıev málim etti.

Onyń aıtýynsha, tek Teńiz ken ornyndaǵy óndiris kólemi tómendegen. Ony vedomstvo basshysy kólik júrýiniń shekteýimen baılanystyryp otyr.

Sondaı-aq, elimizdiń keı óńirlerinde qaýipsizdikti saqtaý jáne ınternettiń joqtyǵyna baılanysty suıytylǵan gazdyń satylýynda ýaqytsha shekteýdiń bary baıqalady.

«Eldegi jaǵdaıdyń turaqtalýyna baılanysty janar-jaǵarmaı beketteri jumysyn qaıta jandandyryp jatyr. Ózderińiz biletindeı, Memleket basshysynyń tapsyrmasyna sáıkes, suıytylǵan gazdyń bólshek saýdadaǵy 1 lıtri 50-75 teńgege deıin tómendedi. Shaǵyn jáne orta bıznestiń shyǵynyn qalpyna keltirý úshin, olar óndirýshilermen tómen baǵamen satyp alý týraly kelisimshartty qaıta jasaıtyn bolady», - dedi mınıstr Maǵzum Myrzaǵalıev «Habar 24»-ke bergen suhbatynda.


Jańalyqtar

MURAǴAT