+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Jańaózendik jas jigittiń ulttyq ónimnen jasalǵan táttileri kópshiliktiń suranysyna ıe boldy

2021 jylǵy 31 shilde 21:22
Bólisińiz:
Jańaózendik jas jigittiń ulttyq ónimnen jasalǵan táttileri kópshiliktiń suranysyna ıe boldy

AQTAÝ. QazAqparat - Jańaózendik jas jigittiń ulttyq táttileri kópshilikti qyzyqtyrýda, dep habarlaıdy QazAqparat tilshisi.

Uqsas jańalyqtar
Bıyl jem-shóp daıarlaý jospary oryndaldy ma Petropavlda 25 qyrkúıekte aýyl sharýashylyǵy jármeńkesi ótedi Qazaqstandaǵy sút fermalarynyń ár ekinshisi SQO-da ornalasqan

Qulandy aýylynyń turǵyny, Eýrazııa ýnıversıtetiniń 20 jastaǵy stýdenti Danııal Tóleýish — jas kásipker. Ol «AQ DAM» atty ulttyq táttiler brendin qalyptastyrý baǵytynda óz kásibin ashyp, eren eńbektenýde.

Otbasylyq kásiptiń tetigin tapqan jas jigit ulttyq ónimderdi tutynýshyǵa ádemilep, syrtqy oramyn kóz tartatyndaı kórkem qylyp, kórikti dızaında bezendirý arqyly ózgelerden erekshelengen túrde usynýdy jón sanaıdy. Osylaısha, 20 jastaǵy Danııal Samatulynyń otandyq brendi qazirgi tańda Mańǵystaý óńirinde tanymal.

«Ákem mal sharýashylyǵymen aınalysatyn bolǵandyqtan, biz mal ónimderin jep óstik. Nur-sultan qalasynda turyp jatqan kezimde túıe sútinen daıyndalǵan ónimderdi satyp alǵym keletin. Biraq ol jaqta, túıeniń sútinen jasalǵan ónimder bizdiń Jańaózen qalasyna qaraǵanda áldeqaıda qymbattyraq. Sodan maǵan nege men ózimizde óndirilgen ónimdi osynda ákelip qoljetimdi baǵada satpasqa degen oı keldi. Ata-anammen bul oıymmen bóliskende olar meni birden qoldady. Solaı mende eshqandaı qorqynysh bolmady»,- dedi ol.

Jańaózen qalasynda ulttyq táttilerdi satýmen aınalysatyndar kóp, alaıda «AQ DAM» atty ulttyq táttiler brendine qyzyǵýshylyq tanytýshylar sany kún sanap ósýde. Búkil otbasy bolyp óndiretin ónimdi mundaı ádemi etip qaptap shyǵarý ıdeıasy qalaı paıda bolǵanyn aıtyp berdi.

«Basynda Nur-Sultan qalasyna tasyp nemese tapsyrys arqyly aldyrtyp satyp júrdim. Bul tıimsiz boldy. Sebebi, shubat sııaqty ónim uzaq jolǵa tasymaldaýǵa shydamaı qıyndyqtar týdyratyn. Ne de bolsa bul kásipti toqtatpaı, óz ónimderimizdi Jańaózen qalasynda satylymǵa shyǵarýdy uıǵardym. Barlyq adam bir nárseni alyp, qoldanbas buryn eń aldymen onyń syrtqy túrine, qalaı bezendirilgenine qaraıdy. Syrtqy bezendirilgeni unasa, ony qoldanyp nemese dámin tatyp kórgisi keledi. Bizdiń de ónimimizdiń syrtqy dızaınyna qarap qyzyǵyp, dámin tatyp kórgennen keıin tutynýshy ony unatyp qalady. Sóıtip, adamdar bir-birinen estip, kórip qyzyǵýshylyqpen tapsyrys berýshilerdiń sany kóbeıe bastady. Qazir turaqty tutynýshylarymyz da bar. Syılyqqa berýge nemese dám retinde usynýǵa óte qolaıly. Bul - bizdiń otbasylyq kásibimiz. Ónimniń barlyǵy anamnyń qolynan shyǵyp jatyr. Qaptap, bezendirý- qaryndastarymnyń jumysy. Biz balqaımaq, qurt, irimshik, shokoladpen qaptalǵan jent ónimderin shyǵaramyz. Tary men talqandy ǵana Aqtóbe qalasynan aldyrtamyz»,- dedi Danııal Tóleýish.

Jas kásipker qazirgi tańda tapsyryspen jetkizý qyzmeti arqyly ǵana jumys isteýde. Ónimderin Mańǵystaý oblysynyń barlyq jerine jetkizedi. Aldaǵy ýaqytta úlken dúken ashyp, Qazaqstannyń barlyq qalasynan jáne shet memleketterden de tapsyrys qabyldap jetkizý qyzmetin jasaý jospary da bar.


Bizdiń kanalymyzǵa jazylyńyz:

Bólisińiz:

Avtor:

Qarakóz Marat

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT