+7 (701) 759 90 19
USD 376.16 EUR 406.18
RUB 5.90 CNY 53.60
Jańalyqtar

Jańaózende gaz baǵasy 55 teńgeden satylatyn boldy

2020 jylǵy 7 qańtar 23:41
Bólisińiz:
Jańaózende gaz baǵasy 55 teńgeden satylatyn boldy

AQTAÝ. QazAqparat - Jańaózen qalasynda gaz quıý beketterinde gaz baǵasy 55 teńgeden satylatyn boldy, dep habarlaıdy QazAqparat tilshisi.

Uqsas jańalyqtar
Elimizde 76 mlrd tonnany quraıtyn munaı-gaz resýrstary bar dep boljanýda Maǵzum Myrzaǵalıev taıaý jyldary taýsylatyn ken oryndaryn atady Shymkentte bıyl 13 eldi mekenniń aýyzsý máselesi sheshiledi - qala ákimi

Osyǵan deıin suıytylǵan gaz baǵasy 60-65 teńgege kóterilgen edi. Keıbir qoǵam belsendileri ony túsirip, áleýmettik jelige salsa, keıbir turǵyndar ákimdik alańyna arnaıy baryp, shahar basshysy Maqsat Ibaǵarovpen kezdesip, talaptaryn bildirdi. Turǵyndar gaz baǵasynyń negizsiz ósýine jol bermeýdi qatań qadaǵalaýdy surady.

Osyǵan baılanysty qala ákimi arnaıy jıyn ótkizip, oǵan osy máselege jaýapty mamandardyń barlyǵy qatysty. Jıynda Mańǵystaý oblysynyń energetıka jáne turǵyn-úı sharýashylyǵy basqarmasy basshysynyń orynbasary Berdibek Qartbaev elektrondy saýda alańy, lımıt máselesi jóninde túsinik berdi.

Onyń sózinshe, baǵanyń kóterilýiniń basty sebebi «Qazaq gaz óńdeý zaýyty» JShS óndiretin suıytylǵan gazdyń elektrondy saýda alańyna shyǵarýyna baılanysty bolǵan.

Qala ákimi osy másele boıynsha ótkizilgen jıynda ashyq dıalog bolǵanyn atap ótti.

«Jıynda ashyq dıalog qurdyq, kásipkerler óz usynystaryn bildirdi. Kelissózder nátıjesinde quzyrly organdarǵa naqty tapsyrmalar berilip, qalaǵa keste boıynsha bólingen gazdy 55 teńgeden satý jóninde sheshim qabyldandy. Sondaı-aq birneshe jeke kásipkerdiń suıytylǵan gazdy elektrondy saýda alańy (ESA) arqyly satyp alǵany anyqtalyp, olarǵa ESA arqyly satyp alynǵan gazdy 57 teńgeden saýdalaýǵa ruqsat etildi. ESA arqyly satyp alynǵan gaz bitken soń kestege saı satyp alynǵan gaz 55 teńgedan saýdalanady»,-dep habarlady qala ákimi Maqsat Ibaǵarov.

«Qazaq gaz óńdeý zaýyty basshylyǵyna suıytylǵan gazdy kásipkerlerge kestege saı úlestirýge, baǵany túsirý úshin olardyń árqaısysyna qosymsha 10 tonna gaz berý tapsyryldy. Sondaı-aq, suıytylǵan gaz kóp mólsherde qajet bolatyn kóktem-jaz aılarynda qosymsha gaz bólý máselesi aldaǵy ýaqytta qaralatyn bolady»,-dep atap ótti shahar basshysy.


Bizdiń kanalymyzǵa jazylyńyz:

Basty sózder: Energetıka, Mańǵystaý oblysy,
Bólisińiz:

Avtor:

Láılim Álim

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT