+7 (701) 759 90 19
USD 387.14 EUR 428.18
RUB 6.06 CNY 55.23
Jańalyqtar

Jańaózende bızneske qoldaý bildiretin jańa joba bastaldy

2019 jylǵy 14 qazan 01:20
Bólisińiz:
Jańaózende bızneske qoldaý bildiretin jańa joba bastaldy

AQTAÝ. QazAqparat – Mańǵystaý oblysynyń Jańaózen qalasynda tehnoparkterdi damytý, bıznesti oqytý jáne mıkroqarjylandyrý quraldary aıasyn keńeıtý maqsatynda jańa joba qolǵa alyndy, dep habarlaıdy QazAqparat.

«Kásip túbi – násip» dep atalatyn jańa joba «Atameken» Ulttyq kásipkerler palatasynyń bastamasymen Jańaózen qalasy ákimdiginiń qoldaýymen iske asyryla bastady. Maqsaty – monoqalada kásipkerlikti damytý jáne jumyspen qamtýǵa járdemdesý boıynsha arnaıy usynystar daıyndaý.

Joba sheńberinde arnaıy jumys toby quryldy. Birlesken toptyń quramyna «Atameken» QR UKP ortalyq apparatynyń ókilderi, Mańǵystaý oblysy kásipkerler palatasynyń qyzmetkerleri jáne Jańaózen qalasy ákimdiginiń negizgi bólimderiniń, «Kaspıı» ÁKK jáne qarjy uıymdarynyń basshylary endi. Birlesken jumys tobynyń basty nazarynda – tehnoparkter men aýylsharýashylyq aımaqtardy damytý, óndiristi oqshaýlaý, bıznesti oqytý jáne mıkroqarjylandyrý quraldary aıasyn keńeıtý mindetteri bolady.

Jańa joba aıasynda kásipkerlermen «dóńgelek ústelder», kópsheli konsýltatsııalar, kezdesýler óte bastady. Jańaózendik iskerler qala men oǵan jaqyn ornalasqan eldi mekenderde mal dárigeriniń jetispeıtinin, mal syrqatyn emdeý qarapaıym sharýaǵa qıynǵa soǵatynyn alǵa tartty.

«Kásip túbi – násip» jobasy «Jańaózenge– jańa kásip» jobasynyń qısyndy jalǵasy deýge bolady. Biz birneshe baǵytta jumys jasaımyz: marketıng, qarjylandyrý, quqyqtyq máseleler, skrınıng, kásipkerlikke jáne mıkroqarjylandyrýǵa oqytý. Munda bilikti mamandar kásipkerlerge keńes beredi. Kásipkerler men bıznes-bastamasy bar tulǵalardy top jumysyna belsendi qatysýǵa shaqyramyz. Bizdiń jumysymyz aǵymdaǵy jyldyń sońyna deıin jalǵasady jáne aldymyzǵa Jańaózen qalasyndaǵy bıznestiń damýyna yqpal etetin naqty maqsatty kórsetkishterdi qoıamyz«, - dep atap ótti «Atameken« UKP basqarýshy dırektory – jappaı kásipkerlik jáne mıkroqarjylandyrý departamentiniń dırektory Baýyrjan Orazǵalıev.

Jumys toby joba sheńberinde Teńge aýyly men «Rahat» shaǵynaýdany turǵyndarymen de kezdesti. Onda kásipkerlerge jobanyń maqsaty túsindirilip, sheshimin tappaǵan máseleleri men suraqtaryna jaýap berildi. Kásibı mamandardan jan-jaqty qoldaý jeltoqsan aıyna deıin jalǵasady.

Kásipkerlerge mynadaı qyzmet túrleri kórsetiledi: memlekettik qoldaý baǵdarlamalary; marketolog qyzmeti; zań qyzmetteri; aýyl sharýashylyǵy salasy; memlekettik jáne jekeshelik (elektrondy) satyp alýlar; kásipkerlikti damytýǵa qatysty usynystar; bıznesti qarjylandyrý tetikteri.

«Agrarlyq nesıe korporatsııasy», «Aýyl sharýashylyǵyn qarjylaı qoldaý qory» AQ, «Kaspıı» áleýmettik-kásipkerlik korporatsııa» AQ mamandary keńes beredi.

Tegin keńes alý úshin «Atameken» kásipkerler palatasynyń Jańaózen qalalyq fılıalyna habarlasýǵa bolady.

Bizdiń kanalymyzǵa jazylyńyz:

Bólisińiz:

Avtor:

Láılim Álim

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT