Jańaózende 46 jastaǵy turǵyn koronavırýs juqtyrǵan

JAŃAÓZEN. QazAqparat - Mańǵystaý oblysy Jańaózen qalasynda koronavırýs indetin juqtyrǵan bir adam tirkeldi, dep habarlaıdy QazAqparat oblys ákiminiń baspasóz qyzmetine silteme jasap.

Uqsas jańalyqtar

Qazaqstanda sońǵy táýlikte 1124 adam koronavırýstan jazyldy

Qazaqstanda bir táýlikte 1180 adam koronavırýs juqtyrdy Almatyda epıdemıologııalyq jaǵdaı kúrdeli kúıinde qalyp otyr Pavlodarda koronavırýstyń órshýine karantındi elemeıtin turǵyndar sebep bolyp otyr

Oblystyq densaýlyq saqtaý basqarmasynyń habarlaýynsha, 2020 jyldyń 8 sáýirinde Jańaózen qalalyq aýrýhanasynyń provızorlyq bóliminde kúdikti bir naýqastan COVID-19 anyqtaldy.

Naýqas - 1974 jyly týǵan Jańaózen qalasynyń turǵyny. Ol dene qyzýy kóterilip, jedel járdem kómegine júgingen. Qan taldamasy alynyp, indettiń belgileri anyqtaldy. Naýqasqa qajetti zerthanalyq jáne dıagnostıkalyq tekserister júrgizilgen soń ınfektsııalyq bóliminiń boks palatasyna aýystyryldy.

Dáriger-mamandar (ınfektsıonıst, reanımatolog, terapevt) materıaldyq tehnıkalyq jáne jeke qorǵanysh quraldarymen tolyqqandy qamtyldy. Qazir ınfektsııa anyqtalǵan oshaqqa jáne onyń aýmaǵyna dezınfektsııalaý jumystary júrgizilýde. Baılanysta bolǵandar sanyn anyqtaý boıynsha epıdemıologııalyq tekserister men is-sharalar júrgizilip jatyr. Naýqastyń qaıda jumys istegeni, kimdermen baılanysta bolǵany zerdelenýde.

Jańaózen qalasy boıynsha búgingi tańda karantındik statsıonarda – 9 azamat, úı karantıninde - 23 azamat baqylaýda.

Oblysta búgingi tańda COVID-19 ınfektsııasy tabylǵan 6 naýqas bar, sonyń beseýi oblystyq aýrýhananyń ınfektsııalyq bóliminde, bireýi - Jańaózen qalalyq aýrýhanasynda jatyr.

Barlyq dıagnostıkalyq jáne emdik is-sharalar júrgizilýde. Bes naýqastyń jaǵdaıy ortasha aýyr, Qyzylordadan kelgen bir naýqastyń jaǵdaıy aýyr dep baǵalanyp otyr.