Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 384.87 EUR 432.52
RUB 6.11 CNY 55.95
Jańalyqtar

Jańaqorǵanda janashyr azamattar muqtaj otbasyna baspana salyp berdi

2019 jylǵy 8 maýsym 08:45 1101
Bólisińiz:
Jańaqorǵanda janashyr azamattar muqtaj otbasyna baspana salyp berdi

JAŃAQORǴAN. QazAqparat - Qyzylorda oblysy Jańaqorǵan aýdanynda jergilikti turǵyndar baspanaǵa muqtaj otbasyna turǵyn úı salyp berdi, dep habarlaıdy QazAqparat tilshisi.

Jalǵyzbasty ana, ekinshi top múgedegi Anargúl Belasarova turǵyn úıden qınalyp júrgen edi. Baspana salýǵa qoly qysqa. Bul otbasynyń áleýmettik jaǵdaıynan habardar bolǵan «Jańarǵan Jańaqorǵan Jastary» eriktiler tobynyń músheleri ıgilikti isti qolǵa aldy. Baspanaǵa muqtaj otbasyǵa turǵyn úı salý jóninde ortaq sheshimge keldi. Oǵan jergilikti jurtshylyq ta qoldaý bildirdi. Osyndaı qamqorlyqtyń nátıjesinde mamyr aıynda turǵyn úıdiń irgetasy qalandy. Musylmandar úshin qasıetti Ramazan aıynda júzege asqan saýapty is aıt merekesi qarsańynda tolyqtaı bitti. Atalmysh izgi iske Danııar Dosantaev, Arman Májıtov, Nurbolat Ashırov, Ábdisamat Ábdish jáne aýdannyń ózge de jastary belsendilik tanytty.

«Aıta keterligi, bizdiń usynysymyzǵa jergilikti jurtshylyq pen jastar erekshe qoldaý bildirdi. Mamyr aıynda bastalǵan qurylystyń tolyqtaı aıaqtalýyna júzge jýyq adam qoldaý kórsetti. Olardyń qatarynda aýdan kásipkerlerimen birge qarapaıym eńbek adamdary da bar. Janashyr azamattar shatyr, tas sekildi qajetti zattarmen qamtamasyz etti. Ózge de kerekti dúnıeler qamtyldy. Qaıyrymdy iske belsene qatysqan olar jańa úıge jıhaz tartý etýdi de esten shyǵarǵan joq», - dedi «Jańarǵan Jańaqorǵan jastary» eriktiler tobynyń jetekshisi Erkinbek Aınaqojaev.

Budan buryn Qazalydaǵy 5 otbasyǵa qaıyrymdy jandar úı salyp bergenin habarlaǵan edik. Sondaı-aq, Jalaǵashtyq kásipkerler jalǵyzbasty anaǵa baspana alyp berdi.

 


Jańaqorǵanda janashyr azamattar muqtaj otbasyna baspana salyp berdi 

Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT