Jańadan salynyp jatqan Taldyqorǵan-Úsharal jolyn sý shaıyp ketti
2022 jylǵy 22 mamyr 18:27

Jańadan salynyp jatqan Taldyqorǵan-Úsharal jolyn sý shaıyp ketti

TALDYQORǴAN. QazAqparat - Qatty jaýǵan jańbyrdan keıin aǵyndy sý jańadan salynyp jatqan Taldyqorǵan-Úsharal jolyn shaıyp ketti, dep habarlaıdy QazAqparat tilshisi.

Áleýmettik jelide joldyń qaq ortasynan bólinip, eki jaǵynda avtokólikter turǵan vıdeolar tarap jatyr.

«Jigitter, Sarqanǵa barar jol ekige bólinip qaldy, mynaý degen masqara?! Jańadan salynǵan jol», - deıdi beınejazba avtory.

Oqıǵa Sarqan aýdanyna jetpeı, Aqsý aýdanyndaǵy Jansúgirov aýylynan keıingi Eńbek aýylynyń mańynda bolǵan.

Aqsý aýdany ákiminiń baspasóz qyzmeti aqparatty rastady.

«22 mamyr kúni saǵat 16:45-te habarlama tústi. Almaty-Óskemen respýblıkalyq mańyzy bar joldyń 395-shaqyrymyndaǵy Eńbek aýylynyń tusynda qalyń jaýyn-shashyn sýy kópirdi shaıyp ketken. Qubyr tárizdi kópirdiń dıametri - 3,5 m, tereńdigi - 3 metr. Mataı-Lepsi aýyldary arqyly aınalma jol bar», - delingen Aqsý aýdany ákimi baspasóz qyzmetiniń habarlamasynda.


Jańalyqtar

MURAǴAT