Jańa Zelandııada aýktsıonnan alynǵan chemodannan adam súıegi shyqty
2022 jylǵy 17 tamyz 11:00

Jańa Zelandııada aýktsıonnan alynǵan chemodannan adam súıegi shyqty

NUR-SULTAN. QazAqparat – Jańa Zelandııa polıtsııasy aýktsıonda satyp alynǵan chemodannan shyqqan adam súıegine baılanysty tergeý jumystaryn bastady. Bul týraly QazAqparat VVS jańalyqtar qyzmetine silteme jasap habarlaıdy.

Polıtsııa málimetinshe, Ońtústik Oklendten kelgen otbasy qoımalardyń birinen ártúrli eski zattar, sonyń ishinde birneshe chemodany bar tirkeme satyp alǵan. Úılerine oralǵan olar chemodandardy ashyp, ishinen er adamnyń súıegin tapqan.

Kisi óltirý faktisi boıynsha tergeý bastalǵan.

«Bizge aldymen bolǵan oqıǵanyń mán-jaıyn túsiný úshin marqumnyń jeke basyn anyqtaý kerek. Saraptamanyń aıaqtalýy men nátıjesin kútip otyrmyz», - dedi polıtsııa ókili.

Tártip saqshylary kútpegen jerden adam súıegine kez bolǵan otbasynyń bul oqıǵaǵa qatysy joq ekenin, olarǵa psıhologııalyq qoldaý kórsetiletinin aıtty.

Ieleri tastap ketken zattardy satý – kóptegen elderdegi qoımalar úshin standartty tájirıbe. Ol úshin saqtaý oryndary arnaıy aýktsıondar ótkizedi. Ádette, satyp alýshylarǵa saýda-sattyqqa deıin onyń ishinde ne baryn qaraýǵa ruqsat etilmeıdi.


Foto: GETTY IMAGES

Uqsas jańalyqtar
Seriktester jańalyqtary

Jańalyqtar

Úrdis

MURAǴAT