+7 (701) 759 90 19
USD 413.12 EUR 452.86
RUB 5.82 CNY 57.92
Jańalyqtar

Jańa zań jobasynda jýrnalısterdiń mártebesi men quqyqtary eskerilgen - Ashat Sadyrbaı

2020 jylǵy 12 naýryz 15:54
Bólisińiz:
Jańa zań jobasynda jýrnalısterdiń mártebesi men quqyqtary eskerilgen - Ashat Sadyrbaı

NUR-SULTAN. QazAqparat – Beıbit jınalystar týraly zań jobasyn talqylaý kezinde qoǵam tarapynan eleýli qyzýǵyshylyq boldy. Bul pikirdi «Team Qazaqstan» Respýblıkalyq jastar qoǵamdyq birlestiginiń tóraǵasy, telejýrnalıst Ashat Sadyrbaı aıtty, dep habarlaıdy QazAqparat tilshisi.

«Jańa zań jobasy qoǵamda qyzý talqylaýda boldy. Bul jaqsy úrdis, sebebi talqylaý bolsa, qyzyǵýshylyq ta artady. Osy oraıda qujat jobasy qalyń kópshiliktiń nazaryn aýdardy. Zań jobasyna qatysty jıyndarǵa birneshe ret qatystym, sol kezde eleýli usynystardy, pikirtalastardy baıqadyq», - dedi A. Sadyrbaı Parlament Májilisinde tilshilerge bergen suhbatynda.

Sonymen qatar, A. Sadyrbaı mıtıngilerde BAQ ókilderiniń qaýipsizdigi mańyzdy ekenin atap ótti.

«Zań jobasynda jýrnalısterdiń mıtıngige qatysty quqyqtary men mindetteri kórsetilgen. Barlyǵymyz bilemiz, buqaralyq aqparat quraldary týraly zań bar ári onda jýrnalısterdiń quqyǵy men mindeti jazylǵan. Beıbit jınalystar týraly zań jobasynda jýrnalısterdiń quqyǵy men mindetteri qajet pe?! Meniń oıymsha, bul bap qajet, sebebi dástúrli BAQ basqa kórinis aldy. Atap aıtqanda, ǵalamtor, áleýmettik jeliler qaryshtap damyp ketti. Qazir maqala jarııalaý úshin qaltadaǵy smartfonnyń ózi jetkilikti nemese áleýmettik jeli arqyly tikeleı efırge shyǵý múmkindikteri paıda boldy. Osy tusta jýrnalısterge qatysty zańnama ózgertýler men tolyqtyrýlar qajet dep oılaımyn», - dedi jastar qoǵamdyq birlestiginiń tóraǵasy.

Aıta keteıik, búgin Májiliste «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» zań jobasy tanystyryldy.

QR Aqparat jáne qoǵamdyq damý mınıstri Dáýren Abaevtyń sózine qaraǵanda, qujat jobasynda beıbit jınalystardy uıymdastyrýshylardyń, oǵan qatysýshylardyń quqyqtary men mindetteri naqty aıqyndalady.

«Uıymdastyrýshylardyń, qatysýshylardyń quqyqtary men mindetteri naqty aıqyndalatyn bolady. BAQ salasyndaǵy ókiletti organ beıbit jınalystarǵa qatysatyn jýrnalıst qyzmetiniń erejesin, jýrnalıstik aıyrmashylyq belgisi pishinin qabyldaıtyn bolady. Uıymdastyrýshylar úshin beıbit jınalystardy ótkizýdiń yńǵaıly bolýy maqsatynda uıymdastyrýshylardyń aıyrmashylyq belgileriniń pishini qabyldanady», - dedi Dáýren Abaev.


Bizdiń kanalymyzǵa jazylyńyz:

Basty sózder: Parlament, Azamattyq qoǵam, Zań,
Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT