Jańa Sý kodeksi ázirlenedi
2022 jylǵy 8 aqpan 15:35

Jańa Sý kodeksi ázirlenedi

NUR-SULTAN. QazAqparat – QR Prezıdenti Qasym-Jomart Toqaev Úkimetke klımattyń ózgerýi men shekaralas elderdiń saıasatyn eskeretin jańa Sý kodeksin ázirleýdi tapsyrdy, dep habarlaıdy QazAqparat tilshisi.

«2003 jyly qabyldanǵan Sý kodeksi sýdy sharýashylyq maqsatqa paıdalaný tártibin ǵana retteıdi. Bul qujat sý resýrstaryn saqtaýǵa jáne ony tıimdi paıdalanýǵa múmkindik bermeıdi. Aýa raıynyń ózgerýi sý salasynda qordalanǵan máseleler qazirdiń ózinde elimizdiń áleýmettik-ekonomıkalyq damýyn tejeıtin kedergige aınalyp otyr», - dedi Memleket basshysy.

Prezıdent bul máseleni zańnamany jańartý arqyly sheshýge bolatynyn jetkizdi.

«Úkimetke sarapshylarmen birlesip, jańa Sý kodeksiniń jobasyn ázirleýdi tapsyramyn. kodeks klımattyń ózgerýin jáne shekaralas elderdiń saıasatyn eskere otyryp sý resýrstarynyń tapshylyǵyn azaıtýǵa septigin tıgizýi kerek», - dedi Qasym-Jomart Toqaev.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT