Jańa qurylǵan 3 oblystyń kólik nómirleri qandaı bolady
2022 jylǵy 22 maýsym 12:05

Jańa qurylǵan 3 oblystyń kólik nómirleri qandaı bolady

NUR-SULTAN. QazAqparat – Jańadan qurylǵan úsh oblysta beriletin avtokóliktiń aımaqtyq nómirleri jarııalandy. Bul týraly Іshki ister mınıstrlginiń baspasóz qyzmeti málim etti, dep habarlaıdy QazAqparat tilshisi.

Vedomstva deregine saı, kólik nómirlerindegi óńirlerlik kodtar qazaq tiliniń álipbı tártibimen beriledi.

«Osyǵan baılanysty jańadan paıda bolǵan úsh oblysqa avtokólikterdiń óńirlerlik kodtaryn mynadaı tártippen berý usynylady: Abaı oblysy - 18, Jetisý oblysy - 19,Ulytaý oblysy - 20», - dep habarlady ІІM baspasóz qyzmeti.

Mınıstrlik aqparatyna qaraǵanda, jańa aımaqtarda kóliktiń nómir kodtaryn engizý barysynda kólik quraldaryndaǵy burynǵy memlekettik nómirlerdi aýystyrý talap etilmeıdi.


Uqsas jańalyqtar

Jańalyqtar

Úrdis

MURAǴAT