Jańa Qazaqstandy qurý úshin batyl ózgerister jasaýymyz kerek - Prezıdent
2022 jylǵy 26 sáýir 16:21

Jańa Qazaqstandy qurý úshin batyl ózgerister jasaýymyz kerek - Prezıdent

NUR-SULTAN. QazAqparat – Konstıtýtsııalyq reforma – Táýelsizdik tarıhyndaǵy jańa beles. Bul týraly AMANAT partııasynyń sezinde Prezıdent Qasym-Jomart Toqaev málim etti, dep habarlaıdy QazAqparat tilshisi.

«Men juma kúni Konstıtýtsııaǵa ózgeris engizý máselesimen aınalysyp jatqan jumys tobynyń múshelerimen kezdestim. Bul top qysqa merzim ishinde kóp is tyndyrdy. Zańger ǵalymdar Ata zań baptarynyń úshten birine engiziletin ózgeristerdiń jobasyn ázirledi. Osylaısha, biz óte jaýapty ári aıryqsha mańyzdy kezeńge qadam bastyq. Shyn máninde, konstıtýtsııalyq reforma – Táýelsizdik tarıhyndaǵy jańa beles. Munyń bári ýaqyt talabynan jáne qoǵam suranysynan týyndap otyr. Biz Jańa Qazaqstandy qurý úshin batyl ózgerister jasaýymyz kerek», - dedi Qasym-Jomart Toqaev.

Osy oraıda Prezıdent bul ózgeristi árkim ózinen bastaýy qajet ekenin qadap aıtty.

«Eń bastysy, ony naqty ispen kórsete bilýge tıis», - dedi Memleket basshysy.

Budan buryn habarlanǵandaı, búginnen bastap Prezıdenttiń AMANAT partııasynyń tóraǵasy retindegi ókilettigi toqtady.

Qasym-Jomart Toqaev AMANAT partııasynyń tóraǵalyǵyna Erlan Qoshanovty usyndy.

Bıyl naýryz aıynda «ADAL» partııasynyń tóraǵasy Serik Sultanǵalı partııanyń AMANAT-qa qosylý sheshimin túsindirdi.


Uqsas jańalyqtar

Jańalyqtar

Úrdis

MURAǴAT