Jańa Qazaqstan, bul - Ádiletti Qazaqstan – Prezıdent
2022 jylǵy 26 sáýir 16:12

Jańa Qazaqstan, bul - Ádiletti Qazaqstan – Prezıdent

NUR-SULTAN. QazAqparat – Jańa Qazaqstan, bul shyndyǵynda Ádiletti Qazaqstan. Bul týraly AMANAT partııasynyń kezekten tys XXIII sezinde Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Bizdiń azamattarymyz «Jańa Qazaqstan degenimiz ne?» degen suraqty óte jıi qoıady. Menińshe, bul saýalǵa qysqa ári tolyqqandy jaýap berýge bolady. Jańa Qazaqstan - bul shyndyǵynda Ádiletti Qazaqstan. Kelisetin shyǵasyzdar, azamattarymyzǵa áleýmettik ádilettilik jetise bermeıdi», - dedi QR Prezıdenti.

Memleket basshysy qarapaıym adamdardyń múddelerin elemeý jappaı oryn alyp otyrǵandyǵyn basa aıtty. Ókinishke oraı, soraqy ádiletsizdik memlekettik apparat ókilderi tarapynan oryn alatyndyǵyna qynjylys bildirdi.

«Osydan azamattardyń bılik ınstıtýttaryna turaqty senimsizdigi qalyptasyp otyr. Sondyqtan AMANAT partııasynyń aldynda osynaý barynsha qolaısyz ahýaldy túzetý syndy aýyr mindet tur. Sizder halyq ókilderimen aldyńǵy shepte júrýge, azamattyq qoǵam men bılik arasyndaǵy ózara is-qımyldyń tıimdi arnasyna aınalýǵa tıissizder», - dedi Qasym-Jomart Toqaev.


Seriktester jańalyqtary

Jańalyqtar

Úrdis

MURAǴAT