+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Jańa 17 depýtat: Senatqa kimder saılandy

2020 jylǵy 12 tamyz 18:22
Bólisińiz:
Jańa 17 depýtat: Senatqa kimder saılandy

NUR-SULTAN. QazAqparat - Búgin elimizdiń 17 óńirinde QR Parlamenti Senaty depýtattaryn saılaý ótti. Saılaýdyń aldyn ala málimetterine súıene otyryp, senator retinde óńirlerdiń atynan elimizdiń joǵarǵy zań shyǵarýshy organynyń joǵary palatasynda ókildik etetin azamattar jaıyndaǵy málimetterdi oqyrman nazaryna usynbaqpyz.

Uqsas jańalyqtar
Senator Lýkın: Elimizdiń sóreleri sapasyz ónimderge tolyp tur Muhtar Qul-Muhammed: EAEO aıasynda qazaqstandyq kásipkerlerdi shekteý azaımaı tur Senatorlar Álim Almat týraly fılm túsirý jóninde bastama kóterdi

Sonymen Nur-Sultan qalasynda 21 tańdaýshynyń 20-sy daýys berý bıýlletenin alyp, olardyń 15-iniń tańdaýy Kúrishbaev Aqylbek Qajyǵululyna tústi.

2011 jyldan beri S.Seıfýllın atyndaǵy Qazaq agrotehnıkalyq ýnıversıtetiniń rektory qyzmetin atqaratyn Aqylbek Kúrishbaev sonymen qatar Nur-Sultan qalalyq máslıhatynyń depýtaty da. Ol eńbek jolyn V.Vılıams atyndaǵy Qazaq eginshilik ǵylymı-zertteý ınstıtýtynda bastaǵan. Atalǵan mekemede qatardaǵy laboranttan dırektordyń orynbasaryna deıingi laýazymdyq qyzmetter atqarǵan. Al 1997 jyly A.Baraev atyndaǵy Astyq sharýashylyǵy ǵylymı-zertteý ınstıtýtynyń dırektory bolyp taǵaıyndalǵan. 2002-2008 jyldary QR Aýyl sharýashylyǵy vıtse-mınıstri, QR AShM Ǵylym departamenti dırektory, QR Aýyl sharýashylyǵy vıtse-mınıstri bolǵan. 2008 jyldan ýnıversıtet rektory laýazymyna taǵaıyndalǵanǵa deıin Aýyl sharýashylyǵy mınıstri qyzmetin atqarǵan.

Al Almaty qalasynyń 30 tańdaýshysy biraýyzdan Medeý aýdanynyń ákimi qyzmetindegi Mákejanov Sultanbek Almasbekulynyń kandıdatýrasyna daýys berdi.

Memlekettik basqarý organdarynda mol tájirıbe jınaqtaǵan Sultanbek Almasbekuly Mańǵystaý oblysy ákimi apparatynyń basshysy, ákimniń orynbasary qyzmetterin atqarǵan. 2005 jyldan bastap Almaty qalasynda eńbek etti. Qala ákimi apparaty basshysynyń orynbasary, Tabıǵı resýrstar jáne tabıǵatty paıdalanýdy retteý basqarmasynyń basshysy boldy. 2016 jyldyń mamyrynan Almaty qalasy ákiminiń orynbasary qyzmetin atqardy. Al 2019 jyly Medeý aýdanynyń ákimi bolyp taǵaıyndalǵan edi.

Shymkent qalasynda jalpy tańdaýshylar sany - 26. Onyń bireýi saılaý protsesine qatysa almady. Al qalalyq máslıhattyń 25 tańdaýshysynyń 18-i óz daýystaryn Qapbarova Aıgúl Jarylqasynqyzyna berdi.

Mamandyǵy jýrnalıst Aıgúl Jarylqasynqyzy buǵan deıin Senat depýtaty retinde Shymkent qalasynan saılanǵan edi. Ol «Ońtústik Qazaqstan» gazeti saıasat bóliminiń meńgerýshisi, «Shymkent Medıa» MKK bas redaktorynyń orynbasary, dırektor - bas redaktory, «Shymkent aqparat ortalyǵy» JShS dırektory - bas redaktory bolyp qyzmet atqarǵan.

Mańǵystaý oblysynyń Qaraqııa, Munaıly aýdandyq máslıhattary sessııalarynda usynylǵan Aldashev Súıindik Tásemenulyna daýys berýge qatysqan 100 tańdaýshynyń 87-si qoldaý kórsetti.

Qazirgi ýaqytta «Qarajanbasmunaı» AQ birinshi vıtse-prezıdenti qyzmetin atqaratyn Súıindik Tásemenuly I.Gýbkın atyndaǵy Máskeý munaı jáne gaz ınstıtýtyn bitirip, mamandyǵy boıynsha uzaq jyldar boıy «QazTransOıl» kompanııasynyń birqatar fılıalynda qyzmet atqarǵan. Memlekettik qyzmette de baǵyn synap, 2012-2017 jyldar aralyǵynda Mańǵystaý oblysy ákiminiń birinshi orynbasary bolǵan.

Aqtóbe oblysynan Shalqar aýdanynyń ákimi qyzmetin atqaratyn Qanıev Baýyrjan Nuralyuly 179 tańdaýshynyń 143-iniń daýysyn jınaı aldy. Onyń kandıdatýrasy Shalqar, Hromtaý aýdandyq máslıhat sessııalarynda usynylǵan bolatyn.

Baýyrjan Nuralyuly K.Skrıabın atyndaǵy Máskeý veterınarııa akademııasyn bitirgen. Aqtóbe oblysy Hromtaý aýdany ákiminiń orynbasary, ákimi, Temirtaý aýdanynyń ákimi qyzmetterin atqarǵan. 2016 jyldan qazirgi ýaqytqa deıin Shalqar aýdanynyń ákimi bolyp isteıdi.

Jambyl oblysynyń daýys berýge qatysqan 177 tańdaýshysynyń 163-i qazirgi ýaqytta Jambyl oblysy ákiminiń birinshi orynbasary qyzmetin atqaratyn Orynbekov Bekbolat Serikbekulyna qoldaý kórsetti. Ony senatorlyqqa kandıdat retinde Jambyl oblystyq jáne Taraz qalalyq máslıhattary usynǵan-dy.

Eńbek jolyn kásiptik tehnıkalyq ýchılıeniń oqytýshysy bolyp bastaǵan ol Jambyl oblysyna qarasty Talas aýdany Qarataý qalasy ákiminiń orynbasary, ákimi bolǵan. Odan keıin Sarysý aýdanynyń ákimi qyzmetin atqarǵan. Biraz jyl Taraz qalasynyń ákimi bolǵan. Qazirgi qyzmetinde 2013 jyldan beri taban aýdarmaı eńbek etip keledi.

«Nur Otan» partııasynyń Qyzylorda oblystyq fılıaly tóraǵasynyń birinshi orynbasary Álnazarova Aqmaral Sháripbaıqyzy ózin-ózi usynyp, tańdaýǵa qatysqan 131 máslıhat depýtatynyń 102-siniń daýysyn jınaı aldy.

Medıtsına ǵylymdarynyń doktory Aqmaral Sháripbaıqyzy eńbek jolyn 1994 jyly Qyzylorda qalalyq balalar aýrýhanasynyń qabyldaý bóliminiń dárigeri retinde bastaǵan. Qyzylorda oblystyq balalar aýrýhanasynyń bas dárigeri, Qyzylorda oblystyq densaýlyq saqtaý basqarmasy bastyǵynyń orynbasary, basqarma bastyǵy, QR Densaýlyq saqtaý mınıstrligi Medıtsınalyq qyzmet kórsetý salasyndaǵy baqylaý komıtetiniń Qyzylorda oblystyq basqarmasynyń bastyǵy, Qyzylorda medıtsınalyq kolledjiniń dırektory, Qyzylorda oblysy ákiminiń orynbasary laýazymdarynda qyzmet atqarǵan. Qyzylorda oblystyq máslıhatynyń hatshysy qyzmetin atqarǵan.

Soltústik Qazaqstan oblysynan is basyndaǵy senator Perepechına Olga Valentınovna ózin-ózi usynyp, tańdaýǵa qatysqan 187 máslıhat depýtatynyń 162-siniń kóńilinen shyqty.

Olga Valentınovna Soltústik Qazaqstan oblystyq qarjy basqarmasynyń bastyǵy, Statıstıka departamenti dırektorynyń orynbasary, dırektory qyzmetterin atqarǵan. 2014 jylǵy 17 qazannan qazirgi ýaqytqa deıin — Soltústik Qazaqstan oblysynan VI shaqyrylǵan Qazaqstan Respýblıkasy Parlamenti Senatynyń depýtaty. Ol 2014 jylǵy 17 qazannan bastap Qarjy jáne bıýdjet komıtetiniń múshesi, 2017 jylǵy qyrkúıekten bastap Qarjy jáne bıýdjet komıtetiniń tóraıymy bolǵan.

«Kazakhstan Petrochemical Industries Inc.» JShS basqarýshy dırektory – basqarma múshesi Lýqpanov Saǵyndyq Esenǵalıuly Atyraý oblystyq máslıhaty sessııasynda usynylǵan edi. Sóıtip, búgingi saılaý barysynda bıýlleten alǵan 105 tańdaýshynyń 86-synyń qoldaýyna ıe boldy.

Uzaq jyldar boıy Atyraý oblysynda temir jol salasynda eńbek etken Saǵyndyq Esenǵalıuly «Atyraý» áleýmettik-kásipkerlik korporatsııasy« ulttyq kompanııasy AQ basqarmasynyń tóraǵasy, 5 jáne 6-shaqyrylǵan Atyraý oblystyq máslıhatynyń hatshysy bolǵan. Tipti, 2017-2018 jyldary aralyǵynda Atyraý oblysy ákiminiń birinshi orynbasary qyzmetin atqarǵan-dy.

Qostanaı oblysyna qarasty Denısov jáne Beıimbet Maılın aýdandyq máslıhattary sessııalarynda usynylǵan Qostanaı oblysy ákiminiń orynbasary Karplıýk Sergeı Alekseevıch te 262 tańdaýshynyń 225-iniń qoldaýyn tapty.

Mamandyǵy ınjener-hımık-tehnolog Sergeı Alekseevıch Qostanaı oblystyq ónerkásip jáne saýda basqarmasynda, sondaı-aq Qostanaı oblystyq Ekonomıka, ındýstrııa jáne saýda departamentinde bólim bastyǵy bolyp jumys istegen. Qostanaı oblystyq Energetıka, ónerkásip jáne qurylys departamentine basshylyq etken. QR Indýstrııa jáne saýda mınıstriniń keńesshisi, QR mınıstrlikterindegi birqatar departament pen komıtetterde basshylyq qyzmette bolǵan. «QazAvtoJol» UK» AQ basqarma basshysynyń orynbasary qyzmetin atqarǵan.

Kókshetaý qalalyq máslıhaty, Zerendi aýdandyq máslıhaty sessııalarynda usynylǵan «Aqmola oblysy boıynsha Tekserý komıssııasy» MM tóraǵasy Bekenov Nurlan Jeksembaıuly da óńir tańdaýshylarynyń qoldaýyn tapty. Oǵan daýys berýge qatysqan oblystyq 240 tańdaýshynyń 213-i óz daýsyn berdi.

Uzaq jyldar boıy Aqmola oblysynyń qarjylyq baqylaý basqarmasy basshysynyń orynbasary, «Qazaqstan halyq banki jınaqtaýshy zeınetaqy qory» AQ-nyń Aqmola fılıalynyń dırektory, QR Qarjy mınıstrliginiń qarjylyq baqylaý komıteti sapany baqylaý basqarmasynyń basshysy qyzmetin atqarǵan Nurlan Jeksembaıulynyń zooınjener, býhgalter-ekonomıst, ekonomıka magıstri tárizdi úsh joǵary bilimi bar. Ol Aqmola oblysy ishki memlekettik aýdıt departamentiniń basshysy, Aqmola oblysy boıynsha memlekettik satyp alýlar jáne kommýnaldyq menshik basqarmasynyń basshysy qyzmetterin atqarǵan. Qazirgi qyzmetinde 2018 jyldan bastap isteıdi.

Ózin-ózi usynǵan taǵy bir kandıdat - Oral gýmanıtarlyq kolledjiniń qarjy dırektory Rysbekova Lázzát Tuıaqbaıqyzyna saılaý bıýlletenin alǵan 183 tańdaýshynyń 128-i daýys berdi.

Pedagogtardyń otbasynda dúnıege kelgen Lázzát Tuıaqbaıqyzy Jáńgir han atyndaǵy Batys Qazaqstan agrarlyq-tehnıkalyq ýnıversıtetinde, Qazaq memlekettik zań akademııasynda bilim alǵan. Batys Qazaqstan oblystyq prokýratýrasynda jumys istep, óńir prokýrorynyń kómekshisi de bolǵan. Qazirgi qyzmetinde 2011 jyldan beri isteıdi. Sonymen qatar ol 2015 jyldan beri Batys Qazaqstan oblystyq Іsker áıelder qaýymdastyǵyn basqarady.

Kandıdatýrasy Pavlodar oblystyq, Pavlodar qalalyq, Baıanaýyl aýdandyq máslıhattary sessııalarynda usynylǵan Pavlodar memlekettik pedagogıkalyq ýnıversıtetiniń rektory Altynbek Nuhuly da senator retinde aldaǵy ýaqytta óńir atynan ókildik etýge múmkindik aldy. Ony óńir boıynsha saılaý bıýlletenin alǵan 183 tańdaýshynyń 150-i qoldady.

Hımııa ǵylymdarynyń doktory, professor, QR UǴA korrespondent-múshesi, Injenerlik ǵylymdar halyqaralyq akademııasynyń akademıgi Altynbek Nuhuly QR BǴM Joǵary bilim jáne ǵylym departamenti memlekettik standarttar jáne normatıvtik baza bóliminiń bas mamany, JOO attestattaý bóliminiń bastyǵy, S.Toraıǵyrov atyndaǵy Pavlodar memlekettik ýnıversıtetiniń ǵylymı jumys jáne halyqaralyq baılanystar jónindegi prorektory, Kópbaǵdarly gýmanıtarlyq-tehnıkalyq ýnıversıtettiń rektory, Innovatsııalyq Eýrazııa ýnıversıtetiniń rektory, Pavlodar memlekettik pedagogıkalyq ınstıtýtynyń rektory, QR BǴM Ǵylym komıteti tóraǵasynyń orynbasary, QR Premer-Mınıstr keńsesiniń ındýstrıaldy-ınnovatsııalyq damý bólimi sektorynyń meńgerýshisi bolǵan.

Qazirgi ýaqytta QR Parlamenti Senatynyń depýtaty Bektaev Álı Ábdikárimuly da ózin-ózi usyný arqyly mandatyn saqtap qaldy. Túrkistan oblysy boıynsha máslıhattardyń daýys berýge qatysqan 238 depýtaty ishinde 216-si onyń kandıdatýrasyna qoldaý kórsetti.

Álı Ábdikárimuly Ońtústik Qazaqstan oblysy ákiminiń orynbasary, Túrkistan qalasynyń ákimi qyzmetterin atqarǵannan keıin 2014 jyldyń qarashasynda Qazaqstan Respýblıkasy Parlamentiniń Senatyna depýtat bolyp saılanǵan. 2019 jyldyń qyrkúıeginen bastap qazirgi ýaqytqa deıin - Qazaqstan Respýblıkasy Parlamentiniń Senaty Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń tóraǵasy. Sonymen qatar ol 2015 jyldyń qyrkúıeginen bastap «Aýyl» halyqtyq-demokratııalyq, patrıottyq partııasynyń tóraǵasy qyzmetin atqarady.

Shyǵys Qazaqstan oblystyq máslıhaty usynǵan Borodýlıha aýdanynyń ákimi Býlavkına Olga Aleksandrovnany óńirde tańdaý jasaǵan 275 máslıhat depýtatynyń 255-i qoldady.

Shyǵys Qazaqstan memlekettik ýnıversıtetinde bilim alǵan Olga Aleksandrovna 2000 jyldan memlekettik qyzmetke aralasqan. «Nur Otan» partııasy Shyǵys Qazaqstan oblystyq fılıaly tóraǵasynyń orynbasary, Óskemen qalasy ákiminiń orynbasary bolǵan. Qazirgi qyzmetinde 2019 jyldan beri eńbek etedi.

Almaty oblystyq máslıhatynyń hatshysy Dúısembınov Sultan Myrzabekuly da ózin-ózi usynyp, óńirlik máslıhattar depýtattarynyń qoldaýyna ıe bolǵandardyń biri. Ony óńirdegi búgin tańdaý jasaýǵa qatysqan 287 máslıhat depýtatynyń 264-i jaqtap shyqty.

Almaty sáýlet-qurylys ınstıtýtyn, Almaty halyq sharýashylyǵy ınstıtýtyn bitirgen Sultan Myrzabekuly Almaty oblysy Eskeldi aýdany ákiminiń birinshi orynbasary, aýdan ákimi, Qaratal aýdanynyń ákimi, Almaty oblysy ákimi apparatynyń basshysy bolǵan. Qazirgi qyzmetinde 2019 jyldan beri isteıdi.

Búgingi kúnge deıin senatorlyq qyzmetin atqaryp júrgen taǵy bir kandıdatty - QR Parlamenti Senatynyń depýtaty Ershov Sergeı Mıhaılovıchty Jezqazǵan, Sátbaev qalalyq máslıhattary usyndy. Daýys berý nátıjesinde tańdaý jasaýǵa qatysqan 267 máslıhat depýtatynyń 222-si ony qoldap shyqty.

Almaty sáýlet-qurylys ınstıtýtyn bitirip, qurylysshy-ınjener mamandyǵyn alǵan Sergeı Mıhaılovıch Senat depýtaty bolǵanǵa deıin «Qazaqmys korporatsııasy» JShS-iniń Korporatıvtik áleýmettik jaýapkershilik jónindegi dırektory bolyp qyzmet atqarǵan.


Bizdiń kanalymyzǵa jazylyńyz:

#Senat   #Saılaý  
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Úmbet Sholpan
Úmbet Sholpan
954-059

MURAǴAT