+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Jambyldyqtar qosalqy sharýashylyqtaryn damytýda

2020 jylǵy 30 naýryz 12:31
Bólisińiz:
Jambyldyqtar qosalqy sharýashylyqtaryn damytýda

TARAZ. QazAqparat – Jambyl oblysynda turǵyndardyń turmystyq tabysyn jaqsartýdyń pılottyq jobasy aıasynda aýyl turǵyndary tirshilikterin tikteýde, dep habarlaıdy QazAqparat oblys ákiminiń baspasóz qyzmetine silteme jasap.

Atalǵan joba aıasynda Jambyl oblysy Sarysý aýdany Saýdakent aýylynyń turǵyndary mal sharýashylyǵyn, egin sharýashylyǵyn jáne shaǵyn bıznesti damytý jolynda eki paıyzdyq mólsherleme boıynsha nesıe qol jetkizdi.

Aýylda jobanyń «Úı irgesindegi jerlerdi tıimdi paıdalaný» baǵyty boıynsha 901 aýlada 118 gektar jerde kókónister men jemister ósiriletin bolady.

- Alańdardyń basym bóligine qyzanaq pen qııar egilmek. Barlyq úı mańyndaǵy ýchaskeler sýarmaly sýmen qamtamasyz etiledi. Ol úshin 6100 metr aryq tazalanyp, 2500 metr lotoktar jóndeýden ótken. Ieleriniń suraýy boıynsha 765 aýlada aýyl sharýashylyǵy tehnıkasynyń kómegimen egý jumystary atqarylatyn bolady, qalǵan otbasylar óz kúshterimen jumys isteýge daıyn, - dedi Baıqadam aýyldyq okrýginiń ákimi Amantaı Nazarbekov.

Onyń aıtýynsha, maýsym aıynda ár aýlanyń ortasha tabysy 618 000 teńge bolady dep kútilýde eken.

Al, jobanyń ekinshi baǵyty «Mal sharýashylyǵyn damytý» boıynsha Amantaı Nazarbekovtyń aıtýynsha, 92 úı ıeleri 1 275 bas mal satyp alǵan. Onyń ishinde 288 bas iri qara, 40 buqa, 159 jylqy, 709 bas usaq mal bar.

Aýyl turǵyndarynyń biri Altaı Nurmanov 3 360 000 teńge nesıege qol jetkizip, jeti bas jylqy satyp alypty.

- Mal satyp alýǵa 2,8 mıllıon teńge jumsadym. Al qalǵan bóligine bir jylǵa jetpeıtin jem-shóp qorymdy tolyqtyrdym. Áıelim ózi bıe saýa beredi. Ózimiz ishkenge azyn-aýlaq qymyz daıyndaımyz. Al tabys kózin mal ósirip, kóbeıtý arqyly qalyptastyrmaqpyz. Esepteýim boıynsha jylqylarymnan jylyna úsh-tórt qulyn alamyn dep josparlap otyrmyn. Budan buryn da men mal sharýashylyǵymen aınalysqanmyn, alaıda isimdi ilgeriletý úshin qosymsha qarajat kerek edi. Bul oraıda tómen paıyzdyq nesıeniń úlken kómek boldy, - deıdi ol.

Sondaı-aq, jobanyń úshinshi baǵyty «Aýyl syrtyndaǵy jerlerdi tıimdi paıdalaný» boıynsha aýyldyq okrýgten tys 70 gektar bos jerler anyqtalǵan. Olardy utymdy uqsatýdyń joldary qaralmaq.

Tórtinshi baǵyt boıynsha «Saýdakent-2019» kooperatıvi qurylyp, oǵan 87 mıllıon teńge somaǵa 20 birlik aýyl sharýashylyǵy tehnıkasy satyp alynǵan. Qurylym tóraǵasy Begaıdar Aıtbaevtyń aıtýynsha, ázirge alty sharýa qojalyǵy kooperatıv múshesi atanypty. Pılottyq jobanyń barlyq qatysýshylary nesıe alǵannan keıin músheler sany arta túsedi dep kútilýde.

- Biz jerdi óńdeý, egý jáne sýarý úshin tehnıka beremiz. Úı irgesindegi jerlerden tabys alǵysy keletin turǵyndarǵa kooperatıv tómen baǵamen tuqym men tyńaıtqyshtar usynady. Sondaı-aq biz daıyn aýyl sharýashylyǵy ónimderin ótkizýmen jáne ony naryqqa jetkizýmen aınalysamyz. Pılottyq jobanyń arqasynda qurylǵan kooperatıv 20 aýyl turǵynyn jumyspen qamtamasyz etetin bolady, - deıdi B.Aıtbaev.


Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT