+7 (701) 759 90 19
USD 389.81 EUR 430.27
RUB 6.06 CNY 54.91
Jańalyqtar

Jambyldyq jas mamandarǵa turǵyn úı sertıfıkattary tapsyryldy

2019 jylǵy 10 qazan 10:15
Bólisińiz:
Jambyldyq jas mamandarǵa turǵyn úı sertıfıkattary tapsyryldy

TARAZ. QazAqparat –Jambyl oblysynda ótken jylǵy naýryzdan bastap «Tatýlasý ortalyqtarynda» 3 myńnan asa medıatsııalyq rásimder ótkizildi, dep habarlaıdy QazAqparat.

Uqsas jańalyqtar
Elordada jastarǵa arnalǵan «True or False» jobasy bastaldy Almatylyq stýdentterge dástúrli din uǵymy túsindirildi Elordada stýdentter men oqýshylar HHІ ǵasyrdyń ózekti máselelerin talqylaýda

Bul týraly aımaq basshysy Asqar Myrzahmetov oblys ákimdiginde kásipodaq uıymdarynyń jetekshilerimen kezdesýinde aıtyldy. Kásipodaq kúnine oraı ótken kezdesýde oblys ákimi atalmysh uıymnyń mańyzdylyǵy men rólin tilge tıek etip, olarǵa úlken mindet júktelip otyrǵanyn jetkizdi.

Sondaı-aq, óńir basshysy jınalǵandardy kásibı merekelerimen quttyqtady.

Óz kezeginde oblystyq kásipodaqtar birlestiginiń tóraǵasy, oblystyq máslıhattyń depýtaty Meırambek Tólepbergen qoǵamda da, kásipodaqtar qyzmetinde de eń basym baǵyt – áleýmettik másele ekendigin aıtyp, eńbek adamyn qorǵaý ortaq tıimdilikke qol jetkizýdiń birden-bir joly bolyp otyrǵandyǵyn jetkizdi. Sonymen qatar, ol búginde oblystyq kásipodaqtar birlestiginiń 120 myńnan astam múshesi bar ekendigin, aımaqtaǵy 15 salalyq kásipodaq uıymdaryndaǵy 1300-den astam bastaýysh uıymy jáne onyń kóshbasshylary uıytqy bolyp atqarǵan ıgi ister kásipodaqtyń qoǵamda alatyn ornyn aıqyndap otyrǵandyǵyn jetkizdi.


Jıynda oblys kásipodaǵynyń atqaryp otyrǵan jumystary, kórsetkishteri baıandaldy. Aıtalyq, kásipodaqtar medıatsııa jáne kelisim arqyly eńbek daýlaryn kıkiljińsiz sheshý júıesin qalyptastyrýǵa erekshe nazar aýdarýda desek, búginde barlyq aýmaqtyq kásipodaqtarda tatýlasý ortalyǵy ashylǵan. 2018 jylǵy naýryzdan bastap «Tatýlasý ortalyqtarynda» 3 myńnan asa medıatsııalyq rásimder ótkizildi, onyń eńbek daýlaryna qatysty 1590-y oń sheshimin taýypty.

«Bizde udaıy nazar aýdarýdy qajet etetin másele – eńbek shartynyń zańdy túrde jasalýy. Bir jyldan astam ýaqytta «Eńbek shartyn jasańyz!» aktsııasy boıynsha elimizde 12 myńnan astam jumys berýshiler eńbek sharttaryn bekitý arqyly 40 myń jumysshymen eńbek qatynastaryn zańdastyrdy. Jambyl oblysy ákimdiginiń Eńbek ınspektsııasymen birlese atqarǵan jumystyń nátıjesinde 4 myń adamǵa áleýmettik qorǵaýdy qamtamasyz etetin eńbek qatynastarynyń zańdy alańyna oralýyna múmkindik berildi»,-dedi Meırambek Tólepbergen.

Ol ǵana emes, áleýmettik sharttardy jaqsartý úshin bıyl Kásipodaqtar federatsııasy «SENIM» salalyq kásipodaǵymen birlese otyryp, oblystyq jáne aýdandyq medıtsınalyq uıymdardaǵy jas mamandardy qoldaý maqsatynda 500000 teńgelik sertıfıkattardy bekitip, búginderi 40 mıllıon teńge kóleminde sertıfıkattar berip úlgergen. Sonymen birge, kásipodaqtar esebinen jas mamandar turǵyn úıge bastapqy jarnany tóleý úshin 45 mıllıon teńge kóleminde 33 turǵyn úı sertıfıkaty tabystalypty.

Kezdesýde Asqar Isabekuly eki jaqty birlesken jumys josparyn qurýdy usynyp, jemisti sharalardy jalǵastyrýdyń mańyzdylyǵyn basa aıtty. Oblys basshysy bıyl alǵashqy ret resmı túrde bekitilgen kásipodaqtar kúnin atap ótkeli otyrǵan birlestik múshelerin kásibı merekelerimen quttyqtap, sáttilik tiledi.

Jıyn sońynda «Qazfosfat JJFZ» JShS bastaýysh kásipodaq uıymynyń kásipodaq komıtetiniń tóraǵasy Shahtybaı Baıǵanov, «SENIM» densaýlyq saqtaý júıesi qyzmetkerleriniń salalyq kásiptik odaǵy» Respýblıkalyq qoǵamdyq birlestiginiń oblystyq fılıaly tóraǵasynyń orynbasary Gúlmaıra Mombekova «Oblysqa sińirgen eńbegi úshin» tós belgisimen marapattaldy. Al, «Jambylgıps» AQ kadr bóliminiń ınspektory, bastaýysh kásipodaq uıymynyń tóraǵasy Han Lıdııa men «Jýaly aýdandyq ákimdiginiń mádenıet jáne tilderdi damytý bóliminiń ortalyqtandyrylǵan kitaphanalar júıesi» KMM-niń kitaphanashysy, bastaýysh kásipodaq uıymynyń múshesi Kúnimkúl Qoshaevaǵa oblys ákiminiń Qurmet gramotasy tabystaldy.

Bizdiń kanalymyzǵa jazylyńyz:

Bólisińiz:

Avtor:

Ǵıbrat Sembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT