+7 (701) 759 90 19
USD 425.71 EUR 495.53
RUB 5.99 CNY 66.56
Jańalyqtar

Jambyldyq jas ǵalym oılap tapqan tyńaıtqyshty dıqandar baıqap kórmek

2019 jylǵy 19 qańtar 18:29
Bólisińiz:
Jambyldyq jas ǵalym oılap tapqan tyńaıtqyshty dıqandar baıqap kórmek

TARAZ. QazAqparat - Jambyldyq Dáýlet Egemberdıev jýyrda ǵana «Nur Otan» partııasynyń «Nurintech» respýblıkalyq jastar ınnovatsııalyq jobalar baıqaýynan «Jas ǵalym» nomınatsııasy boıynsha júldeli ІІІ oryndy ıelengen bolatyn. Ol oılap tapqan tozyńqy egistik alqaptary men sory shyqqan jerlerdi qalpyna keltiretin bıomelıorantty jergilikti dıqandar baıqap kórmek,dep habarlaıdy QazAqparat.

Dáýlettiń jańa ónertabysyn jer óńdeýge paıdalanam deýshiler tabylyp otyr. Jas ǵalym oılap tapqan tyńaıtqysh zattyń quramy kádimgi jantaq ósimdigi men kóń jáne fosfogıpsten turady. Qoldanylǵan shıkizattyń qorshaǵan ortaǵa esh zııany joq. 500 keli bıomelıorant dástúrli ádis boıynsha qoldanylatyn 40 tonnaǵa deıingi fosfogıps pen qıdy almastyrýǵa qaýqarly.

«Mıneraldy tyńaıtqyshtar ósimdikke molekýla túrinde júretin bolsa, bıomelıorant ıon kúıinde júredi. Birden 5-10 ese kóp ónim alynady. Bıomelıoranttyń taǵy bir tıimdiligi - tuzdanǵan jerlerdi qaıta qalpyna keltirip, qunaryn 5 paıyzǵa deıin arttyrady», - deıdi Dáýlet Egemberdıev. Onyń aıtýynsha, tyń ádis egin egip otyrǵan sharýashylyqtarǵa tıimdi.

«Seriktestigimizde myń gektarǵa deıin jerimiz bar. Ony tıimdi ıgerý - basty maqsat. Jerimizdiń birqatar bóligi tuzdanyp ketken edi. Jergilikti ǵalymnyń jańa ónertabysy bizdi qýantyp otyr. Baǵasy tıimdi bolsa, bul tyńaıtqyshty alyp kóremiz», - deıdi «Agrostan» JShS jetekshisi Meırambek Súttibaev.

Aıta keteıik, búginde óńirdiń 70 paıyzyn tabıǵı shóleıt jerler alyp jatyr. Qumǵa jaqyn aýdandardy shól basý qaýpi de joq emes. Jas ǵalymnyń jańalyǵyn kádege asyrýdyń tıimdiligi aıtpasa da túsinikti.

Bizdiń kanalymyzǵa jazylyńyz:

Bólisińiz:

Avtor:

Qajy Murat

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT