+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Jambyldyq polıtseıler turǵyndarǵa 2 myń maskany tegin taratty

2020 jylǵy 8 tamyz 03:01
Bólisińiz:
Jambyldyq polıtseıler turǵyndarǵa 2 myń maskany tegin taratty

TARAZ. QazAqparat – Jambyldyq polıtseıler «Esirtkige jol joq!» aktsııasy aıasynda turǵyndarǵa eki myń betperde taratty, dep habarlaıdy QazAqparat tilshisi.

Uqsas jańalyqtar
Berdibek Saparbaev Moıynqumda joǵalǵan balany tapqan turǵyndy marapattady Maska taǵyp júrý jańa mádenıetke aınalady – Almaz Sharmanov ýche mektebi maska rejımin buzyp, mádenı shara ótkizgeni úshin 639 myń teńge aıyppul tóleıdi

Koronavırýs epıdemııasy kezinde Jambyl oblysynyń polıtsııa departamenti esirtki qylmysyna qarsy is-qımyl basqarmasynyń qyzmetkerleri jergilikti polıtsııa qyzmetimen birlesip, «Esirtkige jol joq!» atty aktsııa ótkizdi.

Shara Taraz qalasyndaǵy «Aýyl bereke» bazary men «Jeńis» saıabaǵynda uıymdastyryldy. Polıtsııa qyzmetkerleri azamattarǵa medıtsınalyq betperde taratyp, esirtkiniń qaýiptiligi týraly aıtyp qana qoımaı, karantındik minez-qulyq normalaryn jete túsindirdi.

Aktsııanyń basty atrıbýttary - sımvoldyq logotıp pen «Esirtkige jol joq!» degen jazýy bar medıtsınalyq betperdeler boldy. Shara barysynda polıtseıler 2000 medıtsınalyq maskany tegin taratty.

«Bıylǵy jeti aıdaǵy statıstıkalyq málimetterge sáıkes, Jambyl oblysynyń polıtseıleri esirtki qylmysynyń 319 deregin anyqtady, onyń ishinde 64 - esirtki satý deregi, 28 - asa iri kólemde esirtki saqtaý, 3 - esirtki quraldaryn nasıhattaý nemese zańsyz jarnamalaý, 2 derek - esirtki quraldarynyń kontrabandasy jáne bireýi - esirtkini paıdalaný úshin prıton uıymdastyrý jáne ustaý deregi»,- deıdi Jambyl oblysy PD esirtki qylmysyna qarsy is-qımyl basqarmasy bastyǵynyń orynbasary Erjan Beısembaev.

Aıta keteıik, jyl basynan beri zańsyz aınalymnan eki tonnadan astam túrli esirtki zattary, onyń ishinde 50 kelige jýyq gashısh, eki tonnadan astam marıhýana, 1 keliden astam geroın jáne 1 kelige jýyq sıntetıkalyq esirtki tárkilengen.


Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT