+7 (701) 759 90 19
USD 420.67 EUR 510.99
RUB 5.58 CNY 64.92
Jańalyqtar

Jambyldyq isker áıelder «Jaqsylyq aktsııasyn» uıymdastyrýda

2020 jylǵy 26 naýryz 21:56
Bólisińiz:
Jambyldyq isker áıelder «Jaqsylyq aktsııasyn» uıymdastyrýda

TARAZ. QazAqparat – Jambyl oblysynyń óńirlik kásipkerler palatasy janyndaǵy Іsker áıelder keńesi búgingideı qıyn ýaqytta aıanbaı eńbek etip júrgen dárigerlerdi qoldaý boıynsha «Jaqsylyq aktsııasyn» uıymdastyrýda, - dep habarlaıdy QazAqparat oblys ákiminiń baspasóz qyzmetine silteme jasap.

Atalǵan isker áıelder keńesi oblystyq meıramhanalar men qonaq úıler jáne «Sheberler mekeni» jeńil ónerkásip kásiporyndary assotsıatsııalarymen birigip jambyldyqtarǵa barynsha kómek kórsetýde. Aıtalyq, eriktiler ózderi medıtsınalyq maskalar tigip, olardy kópbalaly otbasynan shyqqan balalar men zeınetkerlerge taratsa, muqtaj uıymdarǵa sanıtarlyq-gıgıenalyq quraldardy tegin jetkizilip berdi. Al, búldirshinder úıine azyq-túlik, jýýǵa qajetti quraldar jáne tipti balalarǵa arnalǵan pamperster de úlestirildi.

Al keshe atalǵan aktsııanyń uıymdastyrýshylary óńirdegi aq halattylarǵa dámdi palaý usyndy.


- Osyndaı qıyn ýaqytta biz barlyǵymyz bolashaq úshin, jaqyndarymyzdyń densaýlyǵy úshin bir-birlerimizge qol ushyn bere bileıik. Ásirese, dárigerlerge qoldaý bildirý asa mańyzdy. Olarǵa búginde búkil el senim artyp otyr. Biz olardy maqtan tutatynymyzdy, árqashan da jandarynan tabylyp qoldaıtynymyzdy kórsetýimiz kerek, - dedi oblystyq kásipkerler palatasynyń isker áıelder keńesiniń tóraıymy Aıgúl Akchalova.

Uıymdastyrýshylar aldymen «Ana men bala» oblystyq ońaltý ortalyǵynda bolyp, odan keıin oblystyq jedel járdem medıtsınalyq stantsııasyna bardy.

Dárigerler belsendilerge izgi nıetteri men syı-sııapattary úshin zor alǵystaryn jetkizdi. Sondaı-aq, jambyldyqtardy koronavırýstyq ınfektsııadan ózin jáne jaqyndaryn qorǵaý úshin aldyn alý sharalaryn barynsha saqtanýǵa shaqyrdy.


- Biz sizder úshin jumys isteımiz, sizder biz úshin úıde qalyńyzdar. Barlyq jerlesterimizden asa qajet bolmasa úıden shyqpańyzdar. Qoldy jıi jýyp jáne antıseptıkti turaqty paıdalańynyzdar. Jaǵdaı kúrdeli, degenmen dárigerlerdiń nusqaýlyqtaryn jiti oryndasańyzdar, deńderińiz saý bolady,- dedi oblystyq jedel járdem medıtsınalyq stantsııasynyń dıspetcheri Natalııa Týrdymatova.

Budan soń aktsııa uıymdastyrýshylary Baızaq aýdany Myrzataı aýylyndaǵy oblystyq týberkýlezge qarsy dıspanserine baryp, onda statsıonarda karantınde jatqan azamattardyń jaǵdaıymen tanysty. Munda dárigerler emdelýshilerdiń jaǵdaıyn jiti baqylaýda.

- Sizderge atqaryp otyrǵan eńbekterińiz úshin alǵys aıtamyn, - deı kele A. Akchalova medıtsına qyzmetkerlerine dámdi taǵamdar usyndy.

Osyndaı aktsııalar Qordaı, Jýaly jáne Moıynqum aýdandarynda da ótýde. Ondaǵy sanıtarlyq-baqylaý beketterinde ondaǵan medıkter men polıtseıler táýlik boıy qyzmet atqarýda.


Bizdiń kanalymyzǵa jazylyńyz:

Bólisińiz:

Avtor:

Qajy Murat

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT