+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Jambyldyq baǵban óz baqshasynda almanyń 36, júzimniń 30 túrin ósiredi

2021 jylǵy 1 tamyz 15:17
Bólisińiz:
Jambyldyq baǵban óz baqshasynda almanyń 36, júzimniń 30 túrin ósiredi

TARAZ. QazAqparat – Jambyl oblysy Shý aýdanynyń turǵyny Mırıslam Allahmıranovtyń baqshasynda almanyń 36 surpy jaıqalyp ósýde.

Uqsas jańalyqtar
Jambylda karantın talaptary jeńildetildi

Eńbekqor baǵban budan bólek alhor men shabdalynyń ıtalııalyq jáne frantsııalyq sorttaryn jersindirý maqsatynda ári tájirıbe úshin ósirýdi de qolǵa alǵan, - dep habarlaıdy QazAqparat tilshisi.

Aıta keteıik, osydan 15 jyl buryn Shý aýdany Moıynqum aýylynda 10 gektar jerge alma baǵyn otyrǵyzýdan bastaǵan «Zam – zam» sharýa qojalyǵynyń jetekshisi Mırıslam Allahmıranov qazirgi tańda baqsha kólemin 40 gektarǵa deıin jetkizgen. Onyń baý-baqshasynan alma aǵashynyń 36 túrin kezdestirýge bolady.

Alqaptan ótken jyly 500 tonna alma jınalǵan, bıylǵy jyly da aýa-raıynyń qolaısyzdyǵyna qaramastan, kútip-baptaý jumystarynyń arqasynda mol ónimge qol jetkiziledi dep kútedi.

«Kez-kelgen jemis surypynyń ózindik erekshelikteri bar. Eń mańyzdysy olardyń qysqa tózimdiligi jáne ónimdiligi. Jemis berý kezeńi qolaıly bolýy qajet. Sodan soń, almanyń irili-usaqtyǵyna, túsine, dámine, tasýǵa jaramdylyǵyna, saqtalǵyshtyǵyna asa mán bergen jón», – deıdi qojalyq jetekshisi Mırıslam Allahmıranov.

Sonymen qatar, qojalyqta alhory, shabdaly jemisteriniń ıtalııalyq jáne frantsııalyq sorttary da bar eken. «Stolovka», «Golden Delıshes» jáne «Red Delıshes» alma suryptary Merki aýdanyndaǵy «Gúlder» pıtomnıginen alynǵan.

Baǵban óz baqshasynan jınaǵan ónimderin aýdan ortalyǵyndaǵy bazarlar men dúkenderge naryq baǵasynan arzan ótkeretindigin aıtady. Aıtalyq, almanyń ár kelisi -150 teńgeden satylýda. Kásipker kópbalaly otbasylaryna múmkidiginshe qol ushyn sozyp turady. Jyl saıyn az qamtylǵan jáne aýyl qarııalaryna 10-15 tonna almany tegin taratýdy dástúrge aınaldyrypty.

Sondaı-aq, atalǵan sharýa qojalyǵynda 2010 jyldan beri 3 gektar jerge qosymsha júzim ósirilýde. Osy aýmaqqa 30 túrli júzim sorttary otyrǵyzylyp, ár gektarynan 15 – 18 tonnaǵa deıin ónim jınalýda.

Byltyrǵy jyly basym otyrǵyzylǵan «Damskıe palchıkı» júzimdiginiń ár túbinen 250 kg ónim jınaǵan sharýa, júzim brıgadasyna da qosymsha 15 aýyl turǵynyn jumyspen qamtyǵan.

Aıta ketý kerek eńbek dalasynda tynbaı ter tókken «Zam – zam» sharýa qojalyǵynyń jetekshisi Mırıslam Allahmıranov 2015 jyly «Eren eńbegi úshin» medalimen marapattalǵan.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT