+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Jambyldaǵy pılottyq joba: 5,4 mlrd teńgege 1,7 myńnan astam joba qarjylandyryldy

2020 jylǵy 25 aqpan 06:04
Bólisińiz:
Jambyldaǵy pılottyq joba: 5,4 mlrd teńgege 1,7 myńnan astam joba qarjylandyryldy

TARAZ. QazAqparat – Jambyl oblysynyń ákimi Berdibek Saparbaev óńir turǵyndarynyń turmystyq tabysyn jaqsartý jobasynyń oryndalý barysyn kúsheıtýdi tapsyrdy, dep habarlaıdy QazAqparat.

Uqsas jańalyqtar
ShOB sýbektileri qandaı salyqtardan bosatyldy «Qarapaıym zattar ekonomıkasy» baǵdarlamasyn qarjylandyrý 1 trln teńgege deıin ulǵaıtyldy «Bıznestiń jol kartasy 2025» baǵdarlamasy boıynsha salalyq shekteýler alynyp tastaldy

Oblys ákimdiginde ótken basqosý barysynda turǵyndardyń turmystyq tabysyn jaqsartýdyń pılottyq jobasy boıynsha atqarylyp jatqan jumystar barysy saralandy. Búginde joba aıasynda 5,4 mıllıard teńgege 1,7 myńnan astam ótinim qarjylandyryldy. Odan bólek taǵy 664 ótinim «Taraz» ÁKK-men qaralýda desek, olardyń qorytyndysy 10 naýryzǵa deıin belgili bolady. Murathan Shúkeev jobanyń barlyq bes baǵyty aıasynda oblys boıynsha tańdalyp alynǵan pılottyq 11 aýyldyq okrýgtegi aýlalardyń 88 paıyzy qatysyp jatqanyn jetkizdi.

Bul qanatqaqty jobanyń tek oblys ǵana emes, sondaı-aq barsha elimizdiń turǵyndarynyń turmysyn arttyrý jolyndaǵy mańyzdylyǵyn tilge tıek etken B.Saparbaev jergilikti jerlerdegi ákimder utymdy uıymdastyrý jumystaryn kúsheıtý kerektigin jetkizdi. Osy oraıda aımaq basshysy kepil qujattarynyń qaralýyna kóp ýaqyt ketip otyrǵanyn, mal satyp alýǵa bólingen 5,3 mıllıard teńgeniń búginge deıin tek 2,2 mıllıard teńgesi ǵana ıgerilgenin aıtty.

Oblys ákimi árbir eldi mekende jobany iske asyrýǵa arnaıy jaýapty adamdy bekitý kerektigin tapsyrdy. Oblys ákiminiń orynbasarlary Murathan Shúkeev pen Nurjan Qalenderovke kóktemgi egis jumystary bastalǵanǵa deıin, ıaǵnı 10 naýryzǵa deıin ótinish berýshilerdiń qujattaryntolyq rásimdep, nesıelendirý, jer telimderin berý, mal men tehnıkany satyp alý boıynsha is-sharalardy aıaqtaý tapsyrdy.

– Pılottyq jobanyń basty maqsaty – halyqtyń tabysyn arttyrý jáne jumyssyzdyq deńgeıin tómendetý bolyp tabylady. Jalpy alǵanda, birinshi toqsannyń qorytyndysy boıynsha óńirdiń áleýmettik-ekonomıkalyq damýynyń negizgi kórsetkishteri ótken jyldyń esepti kezeńindegi deńgeıden tómen bolmaýy tıis, - dedi óńir basshysy.

Sondaı-aq, oblys ákimi «Taraz « hımııa parki« AEA-nyń damýyna, shaǵyn nesıeler men granttar kólemin arttyrýǵa, AÁK alýshylar sanyn naqtylaýǵa, MÁMS júıesin sapaly engizýge, sport nysandarynyń tolyq júktemesinde jumys jasaýyna, shekaradaǵy baqylaý sharalaryn kúsheıtýge jáne turaqty túrde oblys aýdandarynyń kúnderin ótkizip otyrýǵa nazar aýdartty.

Keńesti qorytyndylaı kele, aımaq basshysy atqarýshy organdardyń negizi qyzmeti Memleket basshysynyń el halqyna Joldaýynda aıtylǵan «Halyq únine qulaq asatyn Memleket« tujyrymdamasyn iske asyrýǵa, azamattardyń ótinishterine jedel jáne muqııat den qoıýǵa baǵyttalýy tıis ekenin atap ótti.

Bizdiń kanalymyzǵa jazylyńyz:

Basty sózder: Jambyl oblysy, Ekonomıka,
Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT