+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Jambylda jyl sońyna deıin 55 kóppáterli turǵyn úı paıdalanýǵa beriledi

2020 jylǵy 21 qazan 23:18
Bólisińiz:
Jambylda jyl sońyna deıin 55 kóppáterli turǵyn úı paıdalanýǵa beriledi

TARAZ. QazAqparat – Jambyl oblys ákimdiginiń májilis zalynda aımaq basshysy Berdibek Saparbaevtyń tóraǵalyǵymen ótken keńeste «Nurly jer» turǵyn úı qurylysy baǵdarlamasy men «Nurly jol» ınfraqurylymyn damytý baǵdarlamasyn iske asyrý máseleleri qaraldy, dep habarlaıdy QazAqparat tilshisi.

Uqsas jańalyqtar
Elordada Múlik ıeleri birlestigi qurylǵanda 5 myńǵa jýyq jumys orny ashylady Qaraǵandyda qoljetimdi turǵyn úı qurylysy boıynsha jańa joba júzege asyrylýda Jambyldyqtar asarlatyp, 50-ge jýyq muqtaj otbasyǵa úı salyp berdi

Basqosýda oblys ákiminiń orynbasary Ulan Jazylbek baıandama jasap, aǵymdaǵy jyldyń 9 aıynda oblysta 433 myń sharshy metr turǵyn úı paıdalanýǵa berilgenin jáne bul ótken jyldyń sáıkes kezeńinen 9,5 paıyzǵa artyq ekenin málimdedi.

Jalpy óńirde turǵyn úı kezeginde 32740 adam turǵan bolsa, onyń ishinde halyqtyń áleýmettik osal toptarynyń ókilderi, kóp balaly otbasylar, jetim balalar, bıýdjet qyzmetkerleri bar.

Páter kezegindegilerdi turǵyn úımen qamtamasyz etý úshin memlekettik bıýdjetten 24,9 mıllıard teńge bólinip, 65 kóppáterli turǵyn úı salynýda (3766 páter), onyń ishinde 48 úı (2820 páter) «Nurly jer» baǵdarlamasy boıynsha.

Jyl sońyna deıin 55 kópqabatty úıdiń (3181 páter) qurylysyn aıaqtaý josparlanyp otyrsa, onyń ishinde 38 úı (2235 páter) – «Nurly jer» baǵdarlamasy aıasynda salynýda.

Jıynda oblys ákimi Berdibek Saparbaev orynbasary Ulan Jazylbek pen salalyq basqarma basshylaryna merdigerler kesteden qalyp qoımas úshin qurylys jáne jóndeý jumysynyń barysyn baqylaýdy tapsyrdy.

Sonymen qatar sharada Baızaq jáne Jýaly aýdandarynyń ákimderi bıyl senip tapsyrylǵan aýmaqtarda kópqabatty úılerdiń qurylysy nelikten josparlanbaǵanyn túsindirdi. Qos aýdan ákimderi turǵyn úıler salý jobalary memlekettik saraptamadan ótip jatqanyn jetkizdi.

Olardyń sózderine sensek, turǵyn úılerdiń qurylystary kelesi jyly bastalatyn kórinedi.

«Memlekettik bıýdjetten bólingen qarajatty tıimdi paıdalanyp qana qoımaı, sonymen birge banktermen yntymaqtastyq ornatý mańyzdy. Olardyń ókilderi jergilikti ákimdikterge qajetti aqparatty ýaqytynda bermeıdi deıdi», – dedi oblys ákimi.

Aımaqta 124 433 turǵyn jeke turǵyn úı salý úshin jer alýǵa kezekte tur. Ótken jyly kezekte turǵandarǵa 1189 jer telimi bólinse, bıyl 4123 jer telimin bólý josparlanyp otyr.

Jer kezeginde turǵandarǵa beriletin aýmaqtarǵa ınjenerlik-kommýnıkatsııalyq ınfraqurylymnyń qurylysy «Nurly jer» jáne jumyspen qamtýdyń 2020-2021 jyldarǵa arnalǵan jol kartasy baǵdarlamalary sheńberinde júrgizilýde.

«Aýdandarda jer telimderin berý máselesi kesheýildep jatyr. Turǵyndardyń deni on jyldan beri kezekte turýǵa májbúr. Sizder jer kezeginde turǵandarǵa beriletin aýmaqqa ınjenerlik ınfraqurylym júrgizesizder. Biraq tıisti azamattarǵa jer telimderin bermeısizder. Ár aýdandaǵy jaǵdaıdy taldaý qajet», – degen oblys ákimi bul máseleni tıimdi sheshýdi tapsyrdy.

Keńeste Qazaqstannyń turǵyn úı qurylys jınaq banki oblystyq fılıalynyń dırektory Gúlzat Beknazarova «Shańyraq» baǵdarlamasy aıasynda 46 otbasy, «Baqytty otbasy» jobasy boıynsha 333 otbasy páter alǵanyn jetkizdi.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT