Jambylda jyl basynan beri 9 bala terezeden qulap ketken
2022 jylǵy 21 maýsym 02:03

Jambylda jyl basynan beri 9 bala terezeden qulap ketken

TARAZ. QazAqparat - Jambylda jyl basynan beri 9 búldirshin terezeden qulap ketken, dep habarlaıdy QazAqparat .

Jambyl oblysy tótenshe jaǵdaılar departamentiniń málimetinshe, bıylǵy bes aıda Taraz qalasy men Jambyl oblysynyń aýmaǵynda osyndaı 9 oqys oqıǵa tirkelgen.

Byltyr osy ýaqyt aralyǵynda eki jaǵdaı ǵana bolǵanyn atap ótken jón.

Onyń ishinde 8 bala aýyr jaraqat aldy, bir jetkinshek kóz jumǵan.

Zardap shekkenderdiń jasy - 2-den 17 jasqa deıin.

«Kishkentaı balalar masadan qorǵaıtyn torǵa súıenip, eresekterdiń qaraýynsyz qalǵan kezde qulasa, 13-17 jastaǵy jasóspirimder óz qaýipsizdigine nemquraıdy qarap, bıikten sekirip jatady. Bozbalalar arasynda ıesiz ǵımarattardyń tóbesinen sekirip, balkonnan balkonǵa kóterilý qaıtadan sánge aınaldy. Biraq jastar qanaty joq ekenin túsinýi kerek» dep eskertedi qutqarýshylar.


Jańalyqtar

Úrdis

MURAǴAT