+7 (701) 759 90 19
USD 386.30 EUR 428.14
RUB 6.08 CNY 54.87
Jańalyqtar

Jambylda «Jomart júrek» syılyǵynyń ıegerleri marapattaldy

2019 jylǵy 18 qazan 22:43
Bólisińiz:
Jambylda «Jomart júrek» syılyǵynyń ıegerleri marapattaldy

TARAZ. QazAqparat – «Jomart júrek» syılyǵynyń ıegerleri belgili boldy, - dep habarlaıdy QazAqparat tilshisi.

«Rýhanı jańǵyrý» baǵdarlamasy aıasynda azamattar belsendiligin úzdik tájirıbesin kópke úlgi etýge negizdelgen shara 5 atalym boıynsha eń laıyqty kandıdattarǵa tabystaldy.

Atap aıtqanda týǵan jerinde iri áleýmettik jobalarǵa qoldaý bildirip, áleýmettik turǵydan az qamtylǵan otbasylarǵa kómek kórsetkeni úshin «Jyl metsenaty» atalymy «Araıstroımarket 2030» jaýapkershiligi shekteýli seriktestiginiń dırektory Arman Edilbaevqa tabys etildi.

Óńirdegi eń iri qurylys kompanııasyna jetekshilik etetin Arman Zaharypuly 2015 jyldan beri qarttar úıi men balalar úıine qarjylaı kómek kórsetip keledi. Aǵymdaǵy jyly qaıta jańǵyrtýdan ótken «Jastar alleıasynyń» qurylys jumystaryna 224 mıllıon teńge bóldi. Ol áleýmettik jaǵdaıy tómen otbasyǵa 12 mıllıon teńgege 2 bólmeli páter alyp bergen jomart jan.

Al «Týǵan ólke» atalymy qordaılyq kásipker, «SSSR» jaýapkershiligi shekteýli seriktestiginiń dırektory Sársebek Salybaevqa tabystaldy. Kásipker sońǵy 3 jyl ishinde az qamtylǵan otbasylarǵa 41,9 mıllıon teńgege 8 turǵyn úı salyp berdi. Sondaı-aq 17 qordaılyqtyń baspanaly bolýyna qarjylaı kómek kórsetip, 10 turǵynǵa qajetti qurylys materıaldaryn alyp berdi. «Jyl tulǵasy» atalymy paraolımpıada oıyndarynyń jeńimpazy Zýlfııa Gabıdýllınaǵa berildi. Ol óziniń sporttyq mansabynda 12 ret álem rekordyn jańǵyrtqan dańqty sportshy. Bul joly «Jyldyń úzdik uıymy» atalymy qurylǵanyna 20 jyl ýaqyt bolǵan «Qazfosfat» jaýapkershiligi shekteýli seriktestigine buıyrdy. Óz ónimin álemniń 27 eline eksporttaıtyn seriktestik sońǵy jyldary qaıyrymdylyqqa 46 mıllıon teńge jumsaǵan.

Áleýmettik mańyzy bar úzdik jobalardy júzege asyrǵandarǵa ǵana tabys etiletin «Eren eriktilik» ataǵy Qumshaǵal, Shóldala turǵyndaryna kómek qolyn sozyp júrgen «ÓRKEN-NIET» qaıyrymdylyq qorynyń tóraǵasy Saǵdat Aınabekovqa buıyrdy.



Bizdiń kanalymyzǵa jazylyńyz:

Bólisińiz:

Avtor:

Ǵıbrat Sembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT