+7 (701) 759 90 19
USD 432.01 EUR 518.67
RUB 5.61 CNY 66.48
Jańalyqtar

Jambylda Joldaý týraly bilmeıtinder áli de bar - Berdibek Saparbaev

2020 jylǵy 4 qarasha 08:28
Bólisińiz:
Jambylda Joldaý týraly bilmeıtinder áli de bar - Berdibek Saparbaev

TARAZ. QazAqparat –Jambyl oblysy ákimdiginde ótken kezekti apparat májilisinde Memleket basshysy Qasym-Jomart Toqaevtyń «Jańa jaǵdaıdaǵy Qazaqstan: is-qımyl kezeńi» atty Joldaýynyń óńirde oryndalý barysy saralandy, dep habarlaıdy QazAqparat tilshisi oblys ákimdiginiń resmı saıtyna silteme jasap.

Mańyzdy qujatty azamattyq qoǵamnyń belsendi qatysýynsyz júzege asyrý múmkin emes. Jergilikti jerlerdegi jaǵdaıdan habardar adamdar memlekettiń saıasatyn qarapaıym, jalpaq tilmen túsindirýi tıis. Bul maqsatta aqparattyq-nasıhattaý toptary qurylǵan.

Apparat májilisinde oblys ákimi Berdibek Saparbaevqa ishki saıasat basqarmasynyń basshysy Daýyl Beısenqulov úgit-nasıhat toptarynyń atqarǵan jumystary týraly baıandady.

Aýyl turǵyndaryna Joldaýdyń negizgi erejelerin 11 oblystyq jáne 75 aýdandyq top músheleri túsindirdi. Olar 27 000 turǵyndy qamtyǵan 700-den astam kezdesý ótkizdi.

Daýyl Beısenqulov turǵyndardyń joǵary belsendiligin atap ótti. Olar is-sharalarǵa yqylaspen qatysyp, oı-pikirin ortaǵa salǵan. Kezdesýlerde keıbir áleýmettik sıpattaǵy máseleler de talqylanǵan.

Berdibek Saparbaev túsken usynystar boıynsha jumys júrgizýdi, olardyń qısyndy sheshimin shyǵaryp, sońyna deıin jetkizýdi tapsyrdy.

«Aqparattyq-nasıhat toptarynyń mindeti – turǵyndarǵa Joldaýdy túsindirý, memlekettik baǵdarlamalar týraly jan-jaqty aqparat berý, suraqtarǵa jaýap qaıtarý. Degenmen, júrgizilgen áleýmettik saýalnama qorytyndysy kútken nátıjege qol jetpegenin kórsetip otyr. Aýdandarda Joldaý týraly bilmeıtin turǵyndar áli de bar. Keıbireýleri onyń máni men mazmunynan, tipti ondaǵy basym baǵyttardan beıhabar», - dedi oblys ákimi.

Berdibek Saparbaev Baızaq, Merki, Sarysý, Jýaly, T.Rysqulov aýdandaryndaǵy túsindirý jumystarynyń álsizdigi týraly birqatar eskertýler jasady.

Osy oraıda jergilikti atqarýshy organdarǵa aqparattyq-túsindirý toptarynyń jumystaryn kúsheıtý mindeti júkteldi.

«Oblys ákiminiń orynbasarlary, aýdan basshylary, qoǵam belsendiler, depýtattar únemi suhbat berip, Memleket basshysy Qasym-Jomart Toqaevtyń tapsyrmalary jergilikti jerlerde, onyń ishinde turǵyndardyń ál-aýqatyn jaqsartý boıynsha qalaı júzege asyrylyp jatqandyǵy týraly áńgimelep otyrýy tıis»,-dep tapsyrdy Berdibek Saparbaev.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT