+7 (701) 759 90 19
USD 428.71 EUR 519.12
RUB 5.79 CNY 66.61
Jańalyqtar

Jambylda jol erejesin buzýdy tirkeıtin jańa qurylǵylar tanystyryldy

2021 jylǵy 19 sáýir 02:08
Bólisińiz:
Jambylda jol erejesin buzýdy tirkeıtin jańa qurylǵylar tanystyryldy

TARAZ. QazAqparat – Jambyl oblysynda jol erejesin buzýdy tirkeıtin jańa apparattyq-baǵdarlamalyq keshender tanystyryldy, - dep habarlaıdy QazAqparat tilshisi.

Jańa qurylǵylardyń múmkindikteri joǵary: úsh qatar jolaqqa baqylaý jasap, avtokólikterdi 150 metr qashyqtyqqa deıin tirkeı alady. Bul týraly Jambyl oblysy Polıtsııa departamentiniń bastyǵy Janat Súleımenov óziniń feısbýktegi paraqshasynda xabarlady.

«Jol apattarynyń oryn alýynyń eń kóp taralǵan sebebi – jyldamdyqty arttyrý. Sondyqtan, júrgizýshilerdiń jaýapkershilik deńgeılerin joǵarylatý úshin tehnıkalyq baqylaý quraldary qoldanylady.

Búgingi tańda Jambyl oblysynda 3 «Integra» apparattyq-baqylaý kesheni, 4 «Red speed», 38 «Avtoýragan» ABK, sondaı-aq «Hyundai» markaly avtokólikter bazasynda 4 mobıldik «Avtoýragan» jáne «JAC» markaly avtomobılder bazasynda 10 «Arqan» júıesi jumys isteıdi»,-dep jazǵan óńirdiń bas polıtseıi.

Qazirgi tańda Jambyl oblysy Polıtsııa departamentiniń qyzmetkerleri «KAZ-STS» jaýapkershiligi shekteýli seriktestiginiń jol qozǵalysy erejeleriniń buzýshylyqtaryn tirkeýge arnalǵan apparattyq-baǵdarlamalyq keshenderiniń múmkindikterin zerdeleýde eken. Kompanııa ókilderi jol qozǵalysy erejelerin buzýdy jáne izdeýde júrgen kólik quraldaryn anyqtaı alatyn «Kıber-Sherıf» apparattyq-baǵdarlamalyq keshenin tanystyrdy.

«Kıber-Sherıf» júıesi osyǵan uqsas basqa júıelerge qaraǵanda óte tıimdi. Máselen, «Arqan» júıesi buzýshylyqty bir orynda turyp tirkeıtin bolsa, «Kıber-Sherıf» avtokólikti qozǵalys kezinde tirkeı alady, sonymen qatar, panoramalyq túsirilim jasaý múmkindigine ıe.

Sondaı-aq, polıtsııa general-maıory «Orakýl» jyljymaly kesheniniń de tanystyrylǵanyn jazdy. Ol kez-kelgen kólik quralyn 150 metrge deıingi qashyqtyqta tirkeıdi, joldyń bir baǵytynda jáne qarsy baǵytta úsh jolaqqa deıin baqylaý jasaıdy, qozǵalys jyldamdyǵyn 350 km/saǵatqa deıin ólsheıdi.

Departament basshysy mundaı ınnovatsııalyq tehnologııalardy engizý oblys joldaryndaǵy jaǵdaıǵa taldaý jasaýǵa múmkindik beretinin atap ótken.

«Bul rette, bizdiń maqsatymyz – quqyq buzýshylardy jazalaý emes, jol-kólik oqıǵalarynyń sanyn azaıtý ekenin aıtqym keledi», - dep jazdy ol.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT