+7 (701) 759 90 19
USD 431.03 EUR 471.76
RUB 5.85 CNY 61.32
Jańalyqtar

Jambylda turǵyn úı kezeginde joq adamdar memleketten tegin páter alǵan

2019 jylǵy 7 jeltoqsan 18:33
Bólisińiz:
Jambylda turǵyn úı kezeginde joq adamdar memleketten tegin páter alǵan

TARAZ. QazAqparat – Páter alǵan keıbir jambyldyqtardyń páter kezeginde joqtyǵy anyqtalǵan. Bul týraly Óńirlik kommýnıkatsııalar qyzmetinde QR Sybaılas jemqorlyqqa qarsy is-qımyl agenttigi Jambyl oblysy boıynsha departamenti basshysynyń birinshi orynbasary Ravıl Tólebaev aıtty, dep habarlaıdy QazAqparat tilshisi.

«Kezektegilerdiń tizimin zerdeleý 3 mamyrda páter alǵan keıbir azamattardyń 2017 jáne 2018 jylǵy kezek tiziminde joqtyǵyn kórsetti. Memlekettik qordan bólingen keı páterlerde eshkim turmaıtyny, keıbiriniń jalǵa berilgeni anyqtaldy. Jergilikti atqarýshy organ tarapynan memlekettik qordan bólingen turǵyn úılerdiń paıdalanylýy boıynsha sharalar qabyldanyp jatqan joq. Júrgizilgen taldaý nátıjesimen, sybaılas jemqorlyq kórinisteriniń paıda bolý sharttary men sebepterin joıý maqsatynda tıisti jergilikti atqarýshy organdarǵa usynystar berildi»,-dedi Ravıl Tólebaev.

Departament basshynyń birinshi orynbasary turǵyn úı komıssııasynyń muqtaj azamattarǵa memleketten baspana bólý týraly sheshimin laýazymdy tulǵalar baqylaýshylardyń qatysýynsyz qabyldaıtynyń, ıaǵnı, jumystyń ashyqtyǵy qamtamasyz etilmegendigin ashyp aıtty. Beıne jáne aýdıo jazbanyń júrgizilmeýi de komıssııa músheleriniń sheshim qabyldaýdaǵy jaýapkershiligine keri áser etetinin jetkizgen ol osyǵan baılanysty, turǵyn úı komıssııasynyń otyrysy mindetti túrde beıne jáne aýdıotaspaǵa jazylyp, áleýmettik jeli arqyly tikeleı efırde kórsetilýi qajettigin alǵa tartty.

Aıta keteıik, turǵyn úı qoryn basqarý salasyndaǵy memlekettik basqarý - Taraz qalasy ákimdigi turǵyn úı qatynastary bólimi mindetteriniń biri.

Búgingi kúni Taraz qalasynda memlekettik turǵyn úı qorynan baspana alý kezeginde 18 565 adam tursa, onyń 1954-i - jetimder, 1784-i - kópbalaly otbasylar, 8953-i - turǵyndardyń áleýmettik osal tobyna jatatyndar, memlekettik qyzmetshiler, bıýdjettik uıymdar qyzmetkerleri jáne 5874-i - áskerı qyzmetshiler.

Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT