+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Jambylda segiz aıda jol apatynan 133 adam kóz jumǵan

2021 jylǵy 25 qyrkúıek 03:11
Bólisińiz:
Jambylda segiz aıda jol apatynan 133 adam kóz jumǵan

TARAZ. QazAqparat – Jambyl oblysynda segiz aıda jol apatynan 133 adam kóz jumdy, - dep habarlaıdy QazAqparat tilshisi.

Uqsas jańalyqtar
Qostanaıda tasjoldaǵy apat: kóliktegi balany arnaıy quralmen shyǵarýǵa týra keldi Atyraý oblysynda jol apatynan polıtsııa qyzmetkeri mert boldy Batys Qazaqstanda júk kóligi qaǵyp ketken jaıaý júrginshi kóz jumdy

Oblys ákimi Berdibek Saparbaevtyń tóraǵalyǵymen aýdandar men Taraz qalasy ákimderiniń, quqyq qorǵaý organdary, oblystyq departamentter men basqarmalar, «QazAvtoJol» UK AQ basshylarynyń qatysýymen jol qozǵalysy qaýipsizdigin qamtamasyz etý máselesi boıynsha keńes ótti.

«Aǵymdaǵy jyldyń 8 aıynda obystaǵy jol-kólik oqıǵalarynan 133 adam qaıtys bolsa, bul ótken jylmen salystyrǵanda 19 paıyzǵa joǵary. Sondaı-aq, 1000-nan astam adam túrli dene jaraqattaryn alǵan. Adamdardyń ómiri jáne taǵdyrymen baılanysty bul kórsetkishter bizdi alańdatyp otyr», - dedi aımaq basshysy.

Joǵaryda aıtylǵan jol-kólik oqıǵalarynyń 19 deregi alkogol men esirtkige mas bolǵandar, 44 deregi kólik quraldaryn basqarý quqyǵynan aıyrylǵandar tarapynan oryn alǵan.

Bıylǵy 8 aıdy ótken jyldyń sáıkes kezeńimen salystyrǵanda jol kólik oqıǵalarynyń ósýi kórsetkishi 4 aýdanda jáne oblys ortalyǵynda baıqalady.

Atap aıtqanda, Taraz qalasynda 25%-ǵa, Qordaı aýdanynda 87,2%-ǵa, Merki aýdanynda 20%-ǵa, Talas aýdanynda 206%-ǵa, jáne T.Rysqulov aýdanynda 136%-ǵa artqan.

Keıbir memlekettik organdardyń basshylary oblys aýdandaryndaǵy atalǵan jaǵymsyz kórsetkishtiń artýyn «Batys Eýropa — Batys Qytaı» avtomagıstralimen baılanystyrady.

Bul jolmen kún saıyn 8 myńnan astam kólik ótse, onyń 1 myńnan astamy – júk kólikteri.

«Jol apattarynyń 95 paıyzy júrgizýshilerdiń kinásinen bolady, negizgi sebep – joǵary jyldamdyq jáne jol qozǵalysy erejelerin saqtamaý. Osyǵan baılanysty derekter jıi tirkeletin túrli jol aýmaqtarynda eskertý belgisi bar «jyldamdyq ólshegishterdi» ornatýdy tapsyrdym.

JKO-nyń ósýin tómendetý maqsatynda oblys joldarynda «Sergek» keshenin ornatý boıynsha jumystar júrgizilýde, al Taraz qalasynda pılottyq rejımde 10 «Sergek» kesheni iske qosylǵan.

Balalardyń jol-kólik oqıǵalardan zardap shegý máselesi de jiti nazar aýdarýdy jáne júıeli jumys júrgizýdi talap etedi. Bıylǵy jyldyń 8 aıyndaǵy 185 jol-kólik oqıǵalarynda 13 bala qaza taýyp, 213-i jaraqat alǵan.

Jol erejelerin buzǵandar úshin jaza jeńil bolmaýy tıis.

Mysaly, 8 aıda túrli buzýshylyqtar jasaǵan, 717 adam kólik júrgizý quqyǵynan aıyrylǵan, bul ótken jylmen salystyrǵanda 30 adamǵa artyq.

Esepti kezeńde 1,4 mlrd teńge kóleminde ákimshilik aıyppuldar salynǵan, onyń 980 mıllıon teńgege jýyǵy memlekettik bıýdjetke ótelgen»,-dedi aımaq basshysy.

Jıyndy qorytyndylaǵan oblys ákimi jol qozǵalysy qaýipsizdigin qamtamasyz etý boıynsha naqty tapsyrmalar júktedi.

Ákimdikterdiń, quqyq qorǵaý organdarynyń, «QazAvtoJol» UK AQ ókilderinen turatyn jumys tobyn qurý jáne naqty algorıtmge, atap aıtqanda qoǵamnyń túrli toptary arasynda belsendi aqparattyq-túsindirý jumystaryn júrgizýdi negizge alatyn jol kartasyn ázirleý tapsyryldy.

Aýdandar men Taraz qalasynyń ákimderine, «QazAvtoJol» UK AQ ókilderine arnaıy turaq oryndaryn, jolaıryqtardy, burylystardy qurý, «jyldamdyq ólshegishterdi», jaıaý júrginshiler jolaqtaryn, qajetti jol belgilerin ornatý boıynsha taldaý júrgizý jáne jumystardy jedeldetý tapsyryldy. Kámeletke tolmaǵandardyń qatysýymen oryn alatyn jol kólik oqıǵalaryn azaıtý úshin bilim berý mekemeleri jol qozǵalysy erejeleri men joldardaǵy tártiptiń saqtalýyna, osy oraıdaǵy jas ınspektorlar jasaǵynyń mańyzdylyǵyna erekshe nazar aýdarýy tıis.

Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT