Jambylda mektep tabaldyryǵyn jańa attaǵan 22 myń balaqaıǵa «Álippe» tabystalady
2021 jylǵy 1 qyrkúıek 01:32

Jambylda mektep tabaldyryǵyn jańa attaǵan 22 myń balaqaıǵa «Álippe» tabystalady

TARAZ. QazAqparat – Jambyl oblysynda mektep tabaldyryǵyn jańa attaǵan 23 myńǵa jýyq birinshi synyp oqýshysyna alǵashqy oqýlyq – «Álippe» tabystalady, dep habarlaıdy QazAqparat tilshisi.

Buǵan deıin belgili bolǵandaı, jańa oqý jyly jáne sáıkesinshe «Bilim kúni» is-sharasy dástúrli formatta ótedi.

Jambyl oblysynda jańa oqý jylynda 22 721 birinshi synyp oqýshysy alǵash ret mektep tabaldyryǵyn attaıdy.

Aıta keteıik, «Halyq únine qulaq asatyn memleket» tujyrymdamasy aıasynda ulttyq tárbıege basa nazar aýdarýdy mindettegen Memleket basshysy Qasym-Jomart Toqaev sapaly jáne kásibı oqýlyq ázirleýdi qatań tapsyrǵan bolatyn.

Soǵan sáıkes, bıylǵy jylǵy 1-qyrkúıekte óńirimizdiń birinshi synyp oqýshylary úshin alǵashqy qońyraýǵa arnalǵan saltanatty shara olarǵa «Álippe» alǵashqy oqýlyǵyn tabystaýmen sanıtarlyq normalardy saqtaı otyryp, taza aýada, mektep aýlasynda uıymdastyrylady.

A.Baıtursynulynyń ádistemesi negizinde qaıta ázirlengen «Álippe»/«Býkvar» oqýlyqtarymen 22 721 oqýshy tolyqtaı qamtylady.

Al 2-11 synyp oqýshylaryna 1 qyrkúıekte bilim kúnine arnalǵan QR Táýelsizdiginiń 30 jyldyǵyna oraı «Táýelsizdik jetistikteri» taqyrybynda synyp saǵaty ótkiziledi.

Synyp saǵaty ár synyp úshin jeke kabınetterde sanıtarlyq talaptardy saqtaı otyryp ótedi.

Oqý baǵdarlamasyna qaıta enigizilgen «Álippe» – búldirshinderdiń ǵana emes, barsha ata-ananyń qýanyshy ekeni sózsiz.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT