+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Jambylda kópbalaly otbasylardyń úıine arnaıy qurylǵylar ornatyldy

2019 jylǵy 13 jeltoqsan 09:16
Bólisińiz:
Jambylda kópbalaly otbasylardyń úıine arnaıy qurylǵylar ornatyldy

TARAZ. QazAqparat –Jambyl oblysynda kópbalaly jáne az qamtylǵan otbasylardyń úılerine gazdan ýlanýdy aldyn-alatyn qurylǵylar ornatyldy, dep habarlaıdy QazAqparat.

Adamdardyń qaza bolýyna, ýly gazben ýlanýyna jol bermeý maqsatynda jambyldyq tótenshelikter turǵyn úılerde 79 ýly gaz datchıgin ornatty. Bul datchıkter kópbalaly jáne jaǵdaıy tómen otbasylar, múgedekter men jalǵyz turatyn zeınetkerlerdiń úılerin qamtyǵan.

«Ýly gazdan ýlanýdyń aldyn alý boıynsha oblystyq tótenshe jaǵdaılar departamentiniń mamandary oblys aýmaǵynda ýly gaz datchıkterin ornatýdy jalǵastyrýda. Taraz qalasy ákimdigimen ýly gaz datchıkterin satyp alýǵa jáne ornatýǵa jergilikti bıýdjetten qarajat bólindi. Jylytý maýsymy bastalǵannan beri bizdiń departament qyzmetkerleri qala ákimdiginiń jáne «KazTransAımaq» JPF AQ mamandary, «Jibek joly» belsendi jastary volonterlarymen jáne oblystyq BAQ ókilderimen birlese otyryp, turǵyn úılerdi aralaý jolymen úgit-nasıhat jumystaryn júrgizýde»,-deıdi atalǵan departamenttiń zilzalalardyń qaýip-qaterin azaıtý jáne azamattyq qorǵaý salasyndaǵy baqylaý basqarmasynyń bas mamany Arman Smaılov.

Mamandar kóp jaǵdaılarda ýly gazben ýlaný jaǵdaılary peshti ornatý jáne paıdalaný erejelerin buzý sebebinen oryn alatynyn eskertip, adamdardyń ólimi men jaraqattanýyn aldyn alý maqsatynda halyqty tıisti erejeler men qaǵıdalardy barynsha saqtaýǵa shaqyrady.

Jalpy aıta keteıik, jyl basynan beri oblys aýmaǵynda 10 ýly gazben ýlaný oqıǵasy tirkelip, 15 adam zardap shegip, 4 adam qaza bolǵan.

«Qazirgi tańda az qamptylǵan otbasylarǵa jergilikti qarjy esebinen ýly gaz datchıkteri ornatylýda, al qalǵan obasylarǵa óz qarajattaryna gazoanalızatorlar men datchıkterdi ózderiniń qaýipsizdigi úshin ornatýlaryn suraımyz. Qurylǵy úıdegi gazdyń nemese ýly gazdyń kóbeıýi kezinde dabyl berip, otbasy músheleriniń ómirin saqtap qalýǵa yqpal etedi»,-deıdi A.Smaılov.

Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT