+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Jambylda karantın talaptary jeńildetildi

2021 jylǵy 15 qyrkúıek 10:28
Bólisińiz:
Jambylda karantın talaptary jeńildetildi

TARAZ. QazAqparat – Jambyl oblysynda karantındik sharalar jeńildetildi. Demalys kúnderi Ashyq jobasyna qatysatyn barlyq áleýmettik-ekonomıkalyq obektilerdiń jumysyna ruqsat berildi, dep habarlaıdy QazAqparat tilshisi.

Uqsas jańalyqtar
Epıdjaǵdaı nasharlaıtyn bolsa, Soltústik Qazaqstan tolyq lokdaýnǵa qaıta oralmaq Aqtóbede koronavırýs ınfektsııasyn juqtyrǵan úsh júkti kelinshektiń jaǵdaıy aýyr SQO-da 78 mekteptiń 142 synyby qashyqtan oqýǵa jiberildi

Olarǵa kelýshiler men qyzmetkerlerdiń «jasyl mártebesi» bolǵan jaǵdaıda saǵat 00.00-ge deıin, Ashyq jobasy kóshbasshylarynyń jobasyna qatysatyndar — saǵat 02.00-ge deıin qyzmet kórsetetin boldy.

Bul týraly búgin óńirlik kommýnıkatsııalar qyzmeti alańynda Jambyl oblysy sanıtarııalyq-epıdemıologııalyq baqylaý departamenti basshysynyń orynbasary Baǵlan Jarylqasynuly aıtty. Onyń aıtýynsha, jumys kúnderi barlyq bıznes obektileriniń jumys isteýine ruqsat.

Spıker «jasyl mártebe» bolýǵa qoıylatyn talap oblysaralyq jáne oblysishilik turaqty tasymalǵa, qonaq úılerge, bilim berý obektilerine, JOO, kolledjderge, ınternattarǵa, bilim berý uıymdarynyń jataqhanalaryna qoldanylmaıtyndyǵyn jetkizdi.

«Meıramhana, dámhana jáne kofehanalar tıpindegi qoǵamdyq tamaqtaný obektileri (úıjaıda) 60-tan aspaıtyn oryn, tolymdylyǵy 50 paıyzǵa deıin, eske alý sharalaryn ótkizý úshin 50 adamnan aspaıtyn oryn, tolymdylyǵy 30 paıyzǵa deıin, biraq Ashyq jobasyna qatysatyn saǵat 00.00-ge deıin, Ashyq jobasynyń kóshbasshylary — saǵat 02.00-ge deıin jumys isteıdi», - deıdi Baǵlan Qydyrbaev.

Sondaı-aq, azyq-túlik, azyq-túlik emes bazarlarǵa, saýda-oıyn-saýyq ortalyǵy, saýda úıleri, saýda jelisi obektilerine aptanyń barlyq kúnderinde jumys isteýge ruqsat berildi.

Dinı birlestikterdiń obektilerine 30 paıyzdan asyrmaı toltyrylǵan, bir adamǵa keminde 4 sharshy metr alań qamtamasyz etilgen jaǵdaıda ujymdyq ǵıbadat etýge ruqsat berildi.

Saýnalar, monshalar, SPA-ortalyqtary, basseınder, sport keshenderi, sporttyq-saýyqtyrý, fıtnes, ıoga-ortalyqtary aptanyń barlyq kúnderi jumys isteıdi.

Budan bólek, 15 qyrkúıekten bastap Taraz qalasyndaǵy birqatar avtobýs baǵyty saǵat 22:00-ge deıin júretin bolady. Qala ákimi Erjan Jylqybaev turǵyndardyń talap-tilegin eskere otyryp, tasymaldaýshy mekemelermen osyndaı kelisimge keldi.

Endi № 55, 46, 28, 40, 32, 12, 29, 38, 16, 27 avtobýs baǵyttary uzartylǵan jumys kestesimen, ıaǵnı saǵat 22.00-ge deıin qatynaıdy. Qazirgi tańda qaladaǵy ózge de avtobýs baǵyttarynyń qozǵalys kesteleri qaıta qaralyp, aldaǵy ýaqytta qosymsha avtobýstar qosylady.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT