+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Jambylda bıyl egistik kólemi 700 myń gektardan asady

2020 jylǵy 3 sáýir 03:13
Bólisińiz:
Jambylda bıyl egistik kólemi 700 myń gektardan asady

TARAZ. QazAqparat – Jambyl oblysynda kóktemgi dala jumystary qyzý júrgizilýde, dep habarlaıdy QazAqparat oblys ákimdiktiń baspasóz qyzmetine silteme jasap.

Aǵymdaǵy jyly óńirimizdegi aýyl sharýashylyǵy daqyldarynyń egis alqaptarynyń kólemin 687,1 myń gektardan 710,0 myń gektarǵa jetkizý kózdelgen.

​Búginge deıin jergilikti dıqandar jerdi jyrtyp, onyń basym bóligin óńdep, dándi daqyldardy sebý sharalaryn belsendi atqarýda.

Atap aıtar bolsaq, aǵymdaǵy jyldyń naýryz aıynyń sońyndaǵy aýdandardyń málimeti boıynsha 93277 gektarda kóktemgi jer jyrtý jumystary atqarylyp, 99,2 paıyzdy, 292035 gektar jer óńdelip, 71,6 paıyzdy, jazdyq masaqty dándi daqyldar 168879 gektar alqapqa egilip, 81,1 paıyzdy qurap otyr.

Onyń ishinde dándi jáne dándi burshaqty daqyldar 365,3 myń gektar, maıly daqyldar 64,2 myń gektar, qant qyzylshasy 7,2 myń gektar, kartop 10,5 myń gektar, kókónis-baqsha daqyldary 51,5 myń gektar, mal azyǵy daqyldary 211,3 myń gektardy quraıdy dep kútiliýde. ​

Aýyl sharýashylyǵy taýar óndirýshilerin tyńaıtqyshpen qamtamasyz etý maqsatynda oblystyq bıýdjetten 1 mıllıard teńge qarastyrylyp otyr. Bul qarajatqa 2 myń tonna mıneraldy tyńaıtqysh alynbaq. Ótken aıda 50,0 mıllıon teńge bólinip, tolyq ıgerilgen.

​Aıta ketý kerek, kóktemgi egis-dala naýqanyna aýyl sharýashylyǵy tehnıkalarynyń daıyndyq jumystary barlyq aýdandarda josparǵa sáıkes júrgizilýde.

Oblystyq aýylsharýashylyǵy basqarmasynyń málimeti boıynsha óńirimizde barlyǵy 8 419 aýyl sharýashylyǵy tehnıkasy tirkelgen. Búginde soqalar, qopsytqyshtar, dán sepkishter, tuqym dárilegish tehnıkalardyń barlyǵy kóktemgi dala jumystaryna tolyǵymen daıyn.

​Ol ǵana emes, kóktemgi dala jumystaryna QR Úkimeti tarapynan oblysqa 18,3 myń tonna kepildendirilgen dızel otyny bólingen desek, qazirgi tańda operatorlar belgilenip munaı zaýyttaryna qarajat aýdarylyp dızel otynyń jetkizý jumystary júrgizilýde.


Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT